Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jas kásipkerler sany artyp keledi

2021 jyldyń 22 sáýir 2021 02:00

QARAǴANDY. QazAqparat – Qaraǵandy oblysynyń Shet aýdanynda jastar kásipkerligi damyp keledi. Ótken jyldyń ózinde tórt adam ózderiniń bıznes-ıdeıalaryn qorǵap, aýdan ákiminiń granttaryn alyp, óz isin ashty, dep habarlaıdy QazAqparat tilshisi.

Solardyń biri – Mádına Ahmetbekova. Boıjetken E.A. Bóketov atyndaǵy Qaraǵandy ýnıversıtetiniń túlegi. Bilimi boıynsha aǵylshyn tili muǵalimi. Oqý kezinde eki jyl Qytaıda «Akademııalyq utqyrlyq» baǵdarlamasy boıynsha bilim alǵan.

Ótken jyly Mádına óz isin ashý jóninde sheshim qabyldaǵan. Bıznes-ıdeıasyn qorǵap, onyń jobasyn jergilikti bılik qoldady. Іsin jańa bastaǵan kásipker Shet aýdany ákiminiń 900 myń teńge kólemindegi grantyna ıe boldy. Osy qarajatqa Lacadem oqý ortalyǵyn ashty. Qajetti oqýlyqtar, arnaıy taqta men noýtbýk satyp aldy. Endi aýdan jastarynda Qytaı jáne aǵylshyn tilderin úırenýge múmkindik bar.

«Meniń maqsatym Shet aýdanynda repetıtorlyq ortalyq ashý boldy. Bul oıym júzege asty. Jumys júrip jatyr, mende 15 stýdent bar. Ortalyǵymdy keńeıtý josparda bar», – deıdi Mádına.

Erjan Balqashbaev ta Shet aýdanynyń turǵyny, Qaraǵandy oblysynyń ákiminen mıllıon teńgege grant utyp aldy. Ol aqshaǵa isin jańa bastaǵan kásipker avtoservıs ashty. Kólik kótergish qurylǵy satyp aldy. Ótken jyly Erjan Shet aýdanynyń ákiminen 400 myń teńge kóleminde shákirtaqy aldy.

«Bul qarajat maǵan jańa múmkindikter berdi. Men jabdyq satyp alý múmkindigine ıe boldym. Meniń eki qyzmetkerim bar. Olardyń jalaqysy turaqty. Qazir klıentter kóp, jumys júrip jatyr», – deıdi Erjan.

Shet aýdany ákimdiginiń málimetinshe, bıyl aýdan ákiminiń grantyna 5 mıllıon teńge bólindi. Biraq bul somany ulǵaıtý jáne iri jobalardy qoldaý úshin múmkindikter tabý josparda bar.


Joǵary qaraı