Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jabyq bazarlar jeksenbide jumysyn toqtatady

2020 jyldyń 24 qazan 2020 17:50

NUR-SULTAN. QazAqparat – Qaraǵandy oblysynda karantındik shekteý sharalaryna ózgerister engizildi, dep habarlaıdy QazAqparat tilshisi.

Atap aıtqanda, Qaraǵandy oblysynyń Bas memlekettik sanıtarııalyq dárigeriniń 2020 jylǵy 17 qazandaǵy №39-q qaýlysyna ózgerister men tolyqtyrýlar engizilgen.

Oǵan sáıkes, jeksenbi jáne mereke kúnderi:

- alańy 2000 jáne odan artyq sharshy metrdi quraıtyn saýda nysandarynyń, saýda, oıyn-saýyq ortalyqtarynyń jumysy toqtatylady. Alaıda, bul nysandarda ornalasqan azyq-túlik sýpermarketteri men dárihanalar jumysyn jalǵastyrady.

- azyq-túlik emes jáne jabyq azyq-túlik bazarlarynyń jumysy toqtatylady.

Al senbi kúnderi: saýda úıleriniń, saýda, oıyn-saýyq ortalyqtarynyń (olarda ornalasqan azyq-túlik sýpermarketterin jáne dárihanalardy qospaǵanda) jumysyna tolymdyǵy 30 paıyz, sondaı-aq bir kelýshige 4 sharshy metr aýmaq talabyn saqtaǵan jaǵdaıda, saǵat 17:00-ge deıin ruqsat etiledi.

Sonymen qatar, azyq-túliktik ári azyq-túliktik emes jabyq bazarlar senbi kúnderi saǵat 17:00-ge deıin jumys isteıdi. Bul rette, nysan tolymdyǵyn 30 paıyzdan asyrmaý, 1 kelýshige 4 sharshy metr aýmaq talaby saqtalýy qajet.

Qujattyń tolyq nusqasymen myna jerden tanysa alasyzdar.



Avtor Rýslan Ǵabbasov
Basty sózder: Aımaq, Karantın, Koronavırýs,
Joǵary qaraı