Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ulttyq sport túrlerinen chempıonat ótti

2021 jyldyń 24 qazan 2021 04:38

QARAǴANDY. QazAqparat – Qaraǵandy oblysynyń Aqtoǵaı aýdanynda ulttyq sport túrlerinen chempıonaty ótti. Shara el táýelsizdiginiń 30 jyldyǵy men Álıhan Bókeıhanovtyń 155 jyldyǵyna oraılastyrylǵan, dep habarlaıdy QazAqparat tilshisi.

Ulttyq oıyn áýesqoılary eki kún boıy, 19 jáne 20 qazanda kókpar, báıge, sonymen qatar aýdaryspaq jáne teńge ilý sııaqty jarystarǵa qatysty.

«Ulttyq sport túrleri el turǵyndary arasynda erekshe tanymaldylyqqa ıe bolýda. Aýdandyq jáne oblystyq týrnırler ótkiziledi. Bizdiń aýdan da qalyp jatqan joq. Biz chempıonatty úshinshi ret ótkizip otyrmyz», – deıdi Aqtoǵaı oblysynyń ákimi Saltanat Ábeýova.

Chempıonatqa qatysýshylardyń shapshańdyǵy men jyldamdyǵyn tóreshiler baǵalady, olardyń arasynda aýdandyq ardagerler keńesiniń tóraǵasy Sákitaı Syzdyqov pen sport ardageri Tileýbergen Taýletov boldy.

Kókparda birinshi oryndy Aqshı aýylynyń sportshylary jeńip aldy, ekinshi jáne úshinshi oryndar Qyzylaraı men Úsharaldyń shabandozdaryna buıyrdy.

Aýdaryspaqtan 60 jáne 70 kelide Kejek aýylynyń turǵyndary Nursultan Qýanyshbek pen Dáýlet Amantaı jeńiske jetti. 80 kelide Sáýle aýylynyń turǵyny Abaı Amanbaı úzdik atansa, 80 keliden joǵary salmaqta jeńis Úsharal aýylynyń turǵyny Nurbolat Berkimbaıǵa buıyrdy.

Teńge ilýde qyzylaraılyq Ermek Ospanov jeńiske jetti.

Alaman men qunan báıgede Saıat Ábdirahmanov pen Aınaz Qazanbolovtyń arǵymaqtary úzdik nátıje kórsetti.

Barlyq chempıonat jeńimpazdary jergilikti dene shynyqtyrý jáne sport bóliminiń gramotalarymen jáne syılyqtarmen marapattaldy.

Avtor Agata Mýhamedjanova
Basty sózder: Qaraǵandy oblysy, Sport,
Joǵary qaraı