Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda tóbelesten keıin 20 jastaǵy jigit ózine qol jumsady

2021 jyldyń 14 qyrkúıek 2021 15:19

ABAI QALASY. QazAqparat – Qaraǵandy oblysynyń Abaı qalasynda turatyn jas jigit tóbelesten keıin óz-ózine qol jumsady. Marqumnyń týystary istiń ádil qaralýyn talap etip, jigittiń ózine-ózi qol jumsaýyna sebepker bolǵan kinálilerdi jazalaýdy surap otyr, dep habarlaıdy QazAqparat tilshisi.

Jelide 20 jastaǵy jigittiń óz-ózine qol jumsaǵany týraly habarlama paıda boldy.

Qaıǵyly oqıǵa 11 qyrkúıeekte bolǵan. Keshke dostarymen birge júrgende, ol basqa toptyń jigitimen janjaldasyp, biraz sóılesken soń tarap ketken. Alaıda, bul jaǵdaı qarsylastyń dostaryna unamaı, olar Álisherdi qýyp jetip, jabylyp aıaýsyz uryp tastaǵan.

Qazir jigittiń týystary men jaqyndary ádilettilikti talap etedi jáne ulyn aıaýsyz urǵandarǵa qatysty tıisti jaza qoldanǵanyn qalaıdy.

Týystarynyń aıtýynsha, dál osy oqıǵa Álisherdiń sýıtsıdke barýyna sebep bolǵan.

«Álisherimizdiń ózine ózi qol jumsaýyna qatygez jábirleýshiler sebepker boldy. Ol myqty adam bolǵan jáne biz onyń ómir súrgisi kelmeıtinin eshqashan estigen emespiz», - delingen habarlamada.

Marqumnyń týǵandarynyń aıtýynsha, olar osy fakti boıynsha Abaı qalasynyń polıtsııa bólimine júgingen.

«Sol kúni atalǵan fakt boıynsha QR QK 105-baby 1-bóligi boıynsha qylmystyq is tirkeldi. Ol boıynsha tıisti saraptamalar taǵaıyndaldy. Qazirgi ýaqytta tergeý júrip jatyr»,- dedi Qaraǵandy oblysy PD baspasóz qyzmeti.


Joǵary qaraı