Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda taǵy bir Gemodıalız ortalyǵy ashyldy

2020 jyldyń 30 qyrkúıek 2020 22:23

QARAǴANDA. QazAqparat – Qaraǵandy oblysynda taǵy bir gemodıalız ortalyǵy iske qosyldy. Ol Osakarov kentinde ortalyq aýdandyq aýrýhana bazasynda ashyldy. Joba memlekettik-jekeshelik áriptestik baǵdarlamasy boıynsha iske asyryldy, dep habarlaıdy QazAqparat tilshisi.

Ortalyq táýligine 15 naýqasty qabyldaı alady. Ómirlik mańyzy bar emdi qajet etetin Osakarov aýdanynyń turǵyndaryna endi oblys ortalyǵyna barýdyń qajeti joq. Búginde aýdanda osyndaı 9 naýqas bar.

Jańa ortalyqta birinshi bolyp Osakarov kentiniń 47 jastaǵy turǵyny Natalıa Malozemova gemodıalız protsedýrasynan ótti. 11 jyl boıy ol aptasyna úsh ret Qaraǵandyǵa turaqty túrde baryp turdy.

Aýrýhana patsıentteri dárigerlerge jáne oblys pen aýdan basshylyǵyna gemodıalız ortalyǵyn ashqany úshin alǵys bildirdi. Aıta ketý kerek, aýdannyń densaýlyq saqtaý salasynyń materıaldyq-tehnıkalyq jabdyqtalýy jyl saıyn jaqsaryp keledi.


Joǵary qaraı