Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda «Olımpıadalyq úmitter – 2021» respýblıkalyq velojarysy ótti

2021 jyldyń 20 maýsym 2021 04:00

QARAǴANDY. QazAqparat – Qaraǵandy oblysynda Qazaqstan Táýelsizdiginiń 30 jyldyǵyna arnalǵan «Olımpıadalyq úmitter – 2021» XXXIII respýblıkalyq kópkúndik velojarys ótti. Velojarystyń úsh kezeńi qalpyna keltirilip jatqan RTB aýylynyń kóshelerinde ótkizildi, dep habarlaıdy QazAqparat.

33 jyl boıy Saran qalasynda elimizdiń barlyq óńirlerinen jas sportshylar jınalyp, kezdesedi. «Olımpıadalyq úmitter» jarysy úlken sporttyq jetistikterge qol jetkizgen Qazaqstannyń kóptegen bastaýshy velosıpedshileri úshin bastapqy alańǵa aınaldy. Aıta keteıik, «Olımpıadalyq úmitter – 2021» jarysy barlyq sanıtarlyq normalar men talaptardy saqtaı otyryp, kórermendersiz ótkizildi. Ótken jyly COVID-19 pandemııasyna baılanysty chempıonat ótpedi.

«Bizdiń qala 33-shi ret jas jáne úmit kúttiretin sportshylardy qarsy alady. Táýelsizdik jyldarynda bizdiń sportshylar birneshe ret túrli, onyń ishinde halyqaralyq jarystarda Qazaqstan týyn kóterip, jeńiske qol jetkizdi. Qazirgi velojarysqa qatysýshylardyń alar asýlary áli alda ekenine senimdimin. Olar eko mádenıetti damytyp, basqa da jastarǵa úlken úlgi bolyp tabylady, óıtkeni velosıpedtiń ózi – kóliktiń ekologııalyq túri», – dep atap ótti Saran qalasynyń ákimi Erjan Temirhanov.

Bıyl velojarys 2007–2008 jyldary týǵan jasóspirimder arasynda ótkizildi. Ol 13 maýsymda bastalyp, 19 maýsymǵa deıin jalǵasty. Jarys baǵdarlamasynda: jeke jarys (4 jáne 15 km), toptyq jarys (30 jáne 40 km) jáne qozǵalys sheńberde ótetin ólshem (30 km) sekildi túrleri qarastyrylǵan. Olardyń árqaısysynyń ótý nátıjesi belgili bir upaı ákeledi.

Avtor Agata Mýhamedjanova
Basty sózder: Qaraǵandy oblysy, Sport,
Joǵary qaraı