Aýa raıy
Astana -22 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda karantın talabyn qandaı nysandar jıi buzady

2020 jyldyń 2 jeltoqsan 2020 14:40

QARAǴANDY. QazAqparat – Qaraǵandy oblysynda sanıtarlyq rejımniń saqtalýyn 168 mobıldi top qadaǵalaıdy. Qarasha aıynda olar 10 464 nysandy aralady. Tekserister nátıjesinde 309 buzýshylyq anyqtalyp, 158 aıyppul salyndy, dep habarlaıdy QazAqparat tilshisi.

«Karantın talaptaryn buzýdyń 50% astamy dúkenderde, saýda ortalyqtarynda jáne bazarlarda anyqtaldy. Túngi klýbtarda, dámhanalarda, meıramhanalarda, kompıýterlik klýbtarda, býkmekerlik keńselerde – 15%. Negizgi buzýshylyq – kelýshilerge qyzmet kórsetetin personalda jeke qorǵanys quraldarynyń bolmaýy. Sondaı-aq, oblystyń bas memlekettik sanıtarlyq dárigeriniń qaýlysymen belgilengen jumys ýaqytynyń shekteýlerin saqtamaý faktileri anyqtaldy», - dep habarlady Jedel áreket etý ortalyǵynan.

Mobıldi toptar BAQ-tyń qatysýymen keshki tekserister ótkizedi. Qarasha aıynyń sońynda úsh reıd barysynda 60 nysan – iri saýda úıleri, túngi klýbtar men meıramhanalar tekserildi. Jeti buzýshylyq anyqtaldy.

Eki tamaqtaný ornynda termometrııa júrgizilmegen, qyzmetkerler qolǵapsyz jumys istegeni belgili boldy. Laýndj-barlardyń birinde kalıan qoldanylǵany anyqtaldy. Tyıym salynǵanyna qaramastan, kafeler men meıramhanalar dıskotekalar uıymdastyrýyn jalǵastyrýda. Sondaı-aq, mobıldi toptar túngi 00.00-den keıin zańsyz jumys istegen eki mekemeni anyqtady.

Sondaı-aq Qaraǵandyda «Kúngeı» shaǵynaýdanynda ornalasqan kottedjderdiń birinde úılený toıy ótkizilgen. Toıǵa 60-qa jýyq adam qatysqan. Jappaı is-sharaǵa úı-jaı bergen kottedj ıesi ákimshilik jaýapkershilikke tartylady.


Joǵary qaraı