Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ızraıl tehnologııasymen jem-shóp óndirý josparlanyp otyr

2021 jyldyń 22 sáýir 2021 05:00

QARAǴANDY. QazAqparat – Qaraǵandy oblysynda «Saryarqa» arnaıy ekonomıkalyq aımaǵynda jańa zaýyt salý josparlanýda. Izraıldik ınvestorlardyń qatysýymen Virgin Soil Kz kompanııasy balyq, qus jáne mal azyǵyn óndirý jobasyn júzege asyrady, dep habarlaıdy QazAqparat tilshisi.

Tehnologııanyń erekshelikteri týraly kompanııa quryltaıshysy Andreı Naıman oblys ákimi Jeńis Qasymbekpen kezdesýinde aıtyp berdi.

«Bizdiń óndiris gıdroponııalyq agronomııa salasyndaǵy ızraıldik jáne halyqaralyq ǵalymdardyń kópjyldyq zertteýlerine negizdelgen. Ónimder ekologııalyq taza bolady. Jasyl jemdi ósirý úshin ózdiginen jasalǵan kóp deńgeıli gıdroponıkalyq qondyrǵylar qoldanylady. Azyq ár túrli bolady – balyq, qus jáne mal úshin. Bul biregeı kokteılder, onda kóptegen ıngredıentter bar: jarma, burshaq jáne basqa da daqyldar. Olardyń quramynda mıkroelementterdiń tutas kesheni bar», – dep túsindirdi bıznesmen.

Bes qabatty ǵımaratta jasyl túıirshikti jem óndiretin kóp deńgeıli keshender – gıdroponıkasy bar tik júıekter ornalasady dep boljanady.

Andreı Naımannyń aıtýynsha, tehnologııa biregeı, Qazaqstanda óndiristiń balamasy joq. Kompanııa Ázerbaıjanda osyndaı zaýyt salýda.

Joba bastamashylarynyń málimetteri boıynsha, ınvestıtsııa 27 mlrd teńgeni quraıdy, myńǵa jýyq jańa jumys orny qurylady. Qýaty kúnine 1 000 tonnaǵa deıin jem óndirýge múmkindik beredi dep josparlanýda.

«Biz úlken qoldaý aldyq. Qaraǵandy oblysynda ınvestorlar úshin barlyq jaǵdaı jasalǵan. Barlyq máseleler jedel sheshilýde. Jaqyn arada jerdi rásimdeı alamyz. Jobalaýdan keıin jer jumystaryn bastaımyz. Qurylysqa osy jyly kirisýge daıynbyz. Eń bastysy – AEA aýmaǵynda barlyq qajetti kommýnıkatsııalar, temir jolǵa tikeleı qoljetimdilik bar», – dep atap ótti Andreı Naıman.


Joǵary qaraı