Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda gematolog dárigerlerdiń sany artty

2021 jyldyń 14 maýsym 2021 19:56

QARAǴANDY. QazAqparat – Memlekettik-jekemenshik áriptestiktiń arqasynda Qaraǵandy oblysynda úsh jyl ishinde gematolog dárigerler sany birneshe esege artty. Bul týraly Qaraǵandy gematologııa ortalyǵynyń jetekshisi Irına Pıvovarova aıtyp berdi.

Gematologııa ortalyǵynyń Qaraǵandy fılıaly 2018 jyly ashylǵan. Úsh jyl buryn medıtsınalyq mekemede gematologtyń 1,5 stavkasy bolǵan.

Búgingi tańda onda 16 dáriger jumys isteıdi. Ǵımaratta jóndeý jumystary júrgizildi, «taza aýa palatalary» júıesi jumys isteıdi, zamanaýı HEPA-súzgiler ornatyldy jáne hımıoterapııaǵa arnalǵan preparattardy satyp alý júıesi retke keltirildi.

Osynyń bárin memlekettik-jekemenshik áriptestiktiń arqasynda júzege asyrýǵa múmkindik týdy.

Leıkozdyń jeńil jáne ortasha túrimen aýyratyn naýqastarǵa yńǵaıly bolý úshin ortalyqta kúndizgi statsıonar jumys isteıdi. Naýqastar sol jerde hımıoterapııa ala alady.

Táýlik boıǵy statsıonarda tek aýyr naýqastar ǵana emdeledi.

Medıtsınalyq mekemede Ambýlatorııalyq ortalyq jumys isteıdi, ol bastapqy dıagnostıka ortalyǵynan (kúndizgi jáne qashyqtyqtan) jáne dıspanserleý ortalyǵynan turady.

Qazir gematologııa ortalyǵy AMSK qyzmetimen birge leıkozdy erte anyqtaý úshin jumys isteýde. Dárigerler Qaraǵandy oblysynda qan obyrymen aýyratyn naýqastyń ortasha jasy - 41 jas ekenin atap ótti.

Alaıda, sońǵy jyldary dárigerler aýrýdy erte kezeńde jáne qart adamdarda anyqtaı aldy. Bul qosymsha resýrstardy qajet etedi, deıdi «Gematologııa ortalyǵy» JShS basshysy Irına Pıvovarova. Sondyqtan medıtsınalyq mekemeni keńeıtý jáne kóshirý týraly oılanýda.

«Sondaı-aq, biz lımfomasy bar naýqastarǵa arnalǵan úı-jaıdy keńeıtýdi josparlap otyrmyz. Árıne, biz reanımatsııany kúsheıtýimiz kerek. Adamdarmen ǵana emes, dıalız ben gemofıltratsııa qolymyzda bolýy úshin bizge jergilikti nefrologııalyq ortalyq qajet», – dep atap ótti Irına Pıvovarova.

Medıtsınalyq mekemede ýaqyt óte kele súıek kemigin transplantatsııalaý bólimin ashý josparlanýda.

«Biz aýtologııalyq transplantatsııalaý júrgizýge qabilettimiz. Ol degenimiz, jasýshalar adamnyń ózinen alynyp, ózine aýystyrylatyn medıtsınalyq áreket. Bizde oǵan ruqsat bar. Qaraǵandyda Nur-Sultandaǵy transplantatsııa ortalyǵynyń jobasyn ázirlegen komandanyń bir bóligi jumys isteıdi. Aýtologııalyq transplantatsııa isiktiń ómirlik tsıklin birneshe ese qysqartýǵa múmkindik beredi», – dep qosty Irına Pıvovarova.


Joǵary qaraı