Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda eń eski JEO jańǵyrtylady

2021 jyldyń 14 qazan 2021 22:39

QARAǴANDY. QazAqparat – Qaraǵandy oblysyndaǵy eń eski jylý-elektr ortalyqtarynyń biri – Balqash JEO qýaty keńeıýde. Bul qala halqyn úzdiksiz sapaly jylýmen qamtamasyz etýge jáne ortalyq jylýǵa jańa nysandardy qosýǵa múmkindik beredi, dep habarlaıdy QazAqparat tilshisi.

Balqash qalasyna jumys sapary barysynda oblys ákimi Jeńis Qasymbek JEO-nyń jumysyn tekserip, joldardy jóndeý barysymen jáne turǵyn úı qurylysymen tanysty.

Bıyl JEO keńeıtý jumystary bastaldy. Barlyq ekonomıkalyq jáne ekologııalyq talaptarǵa saı keletin jańa, besinshi qazandyq ornatylady.

«JEO-da Taganrog qazandyq jasaý zaýytynyń qazandyq agregatyn ornatamyz. Bul bizge tutynýshylardy qosymsha jylýmen, sondaı-aq stantsııanyń senimdiligin qamtamasyz etýge múmkindik beredi», – dedi «Kazakhmys Energy» JShS BJEO operatsııalyq dırektory Valerıı Istomın.




Bıyl Qońyrat shaǵyn aýdanyn ortalyq jylýmen qamtý máselesi sheshildi. Jańa jylý ortalyǵynyń arqasynda shaǵyn aýdandy odan ári keńeıtý múmkindigi paıda boldy.

Qalada M1 jáne M2 magıstraldyq jylý jelilerin aýqymdy qaıta qurý júrip jatyr. 60-jyldary salynǵan 5 shaqyrym qubyr aýystyrylady, qazir qubyrlardy bólshekteý aıaqtaldy, 450 m jylý jelileri aýystyryldy. Joba eki jylǵa eseptelgen. Ol aıaqtalǵannan keıin balqashtyqtar sapaly jylý alady jáne ystyq sýmen problemalar týyndamaıdy.




Oblys ákimine joldardy jóndeý týraly da baıandaldy.

«Bıyl uzyndyǵy 7,6 shaqyrym segiz kósheniń avtojoldaryn ortasha jóndeý jáne uzyndyǵy 1 shaqyrym eki jańa joldyń qurylysy júrgizilýde. Sátbaev pen Ivanov kóshelerinde eshqashan jol bolǵan emes. Biz munda asfalttaý jumystaryn júrgizdik, trotýarlardy jabdyqtadyq, jaryqtandyrýdy qostyq. Sátbaev kóshesinde kógaldandyrý jumystary atqaryldy», - deıdi Balqash qalasynyń TKSh, jolaýshylar kóligi jáne avtomobıl joldary bólimi basshysynyń mindetin atqarýshy Qabıdolla Eskendir.

Abattandyrý kezinde ár aýlada balalar alańy ornatylady.

Qazir tórt aýla aýmaǵynda jumys júrip jatyr.

Táýelsizdik alańynda gúlzardy qaıta qurý júrip jatyr. Balqashtyqtar jańartylǵan aýmaqty kelesi jyly baǵalaı alady.

Balqash qalasynyń turǵyn úı qurylysynda da oń ózgerister baıqalady.

«Nurly jer» baǵdarlamasy aıasynda páterlerdiń qurylysy júrip jatyr. Bıyl 18 myń sharshy metr paıdalanýǵa beriledi. 130 adam baspanaly bolady.

Jeńis Qasymbek 9-shy shaǵyn aýdandaǵy tanhaýstyń, kóppáterli turǵyn úıdiń qurylys alańyna bardy. Bıyl toǵyz kópbalaly otbasy jańa baspanaǵa ıe bolady.




















Joǵary qaraı