Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ekojobalar pýly ázirlenip jatyr

2021 jyldyń 14 maýsym 2021 21:54

QARAǴANDY. QazAqparat – Qaraǵandy oblysynda ekologııany jaqsartý boıynsha Jol kartasy júzege asyrylýda. Oǵan zııandy shyǵaryndylardy azaıtý, qorshaǵan ortany qorǵaý boıynsha sharalar kesheni kiredi, dep habarlaıdy QazAqparat tilshisi.

Onlaın rejımde ótken apparattyq keńeste qandaı jumystar atqarylǵany jáne bolashaqqa josparlar týraly aıtyldy.

«Ekologııa mınıstrligimen birlesip Qaraǵandy oblysynyń 2020-2024 jyldarǵa arnalǵan ekologııalyq problemalaryn keshendi sheshýdiń jol kartasy bekitildi. Óńirdiń negizgi lastaýshylary «ArselorMıttal Temirtaý« kompanııasy ekeni belgili. Kásiporyn 2024 jylǵa qaraı shyǵaryndylardy 65 myń tonnaǵa azaıtýǵa mindettenedi. Sondaı-aq, kompanııa 2030 jylǵa deıingi ekologııalyq strategııa ázirledi», – dedi ekologııa departamenti basshysynyń mindetin atqarýshy Darhan Іsjanov.

Ol Jezqazǵan men Balqash turǵyndarynyń gazdanýǵa shaǵymdary týraly túsinik berdi. Ekologtar bul qalalarda óndiristi jańǵyrtý qajettiligi týraly aıtady.

Jezqazǵanda mys balqytý zaýytynyń jańa kúkirt qyshqyly tsehynyń qurylysy josparlanýda.

Esep boıynsha, bul kúkirt dıoksıdi boıynsha shyǵaryndylardy 20 myń tonnaǵa deıin tómendetýge múmkindik beredi.

Darhan Іsjanovtyń aıtýynsha, ekologııa mınıstrligimen birlesip Jezqazǵan men Balqashtaǵy «Qazaqmys Smeltıng» JShS óndiristik alańdarynda emıssııalardy azaıtý boıynsha Jol kartasy ázirlenedi.

Jınalysta zańsyz qoqystar máselesi týraly aıtyldy.

Bıyl ǵaryshtyq monıtorıng kómegimen 330 oryn anyqtaldy. Qalalar men aýdandardyń ákimdikteri olardy joıýmen aınalysady.

Tabıǵı resýrstar jáne tabıǵat paıdalanýdy retteý basqarmasynyń basshysy Áset Tazabekov 2022 jylǵa arnalǵan josparlar týraly aıtyp berdi.

Jańa ekologııalyq kodeks aıasynda oblysta jobalar pýly ázirlenýde.

«Bul QTQ polıgondaryn salý, búlingen jerlerdi qalpyna keltirý, tazartý qurylystaryn kógaldandyrý, qaıta jańartý jáne salý, ózen arnalaryn sanatsııalaý, bógetterdi kúrdeli jóndeý», – dep naqtylady ol.

Bes jyl ishinde oblysta 22,5 myń ga aýmaqty kógaldandyrý josparlanǵan. Ol úshin 100 mıllıon jasyl kóshet qajet.

Bıyl «Taza tabıǵat» ulttyq jobasy aıasynda birqatar ekologııalyq aktsııalar ótkizildi.

«Qorshaǵan ortany qorǵaý máselesin erekshe baqylaýda ustaımyz. Qosymsha tabıǵat qorǵaý is-sharalary esebinen ekologııany jaqsartý jóninde sharalar qabyldaý qajet. Josparlanǵan keste boıynsha Jol kartasyn oryndaý kerek. Ruqsat etilmegen qoqys úıindilerin joıý boıynsha jumystardy turaqty negizde júrgizý qajet. QTQ polıgondary ekologııalyq talaptarǵa sáıkes bolýy tıis. «Birge taza Qazaqstan» respýblıkalyq aktsııasyn iske asyrýdy jalǵastyrý qajet», – dep tapsyrma berdi oblys ákimi Jeńis Qasymbek.


Joǵary qaraı