Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda balalar sportyna mıllıardtan astam teńge bólindi

2021 jyldyń 29 qarasha 2021 17:46

QARAǴANDY. QazAqparat - Qaraǵandy oblysynda balalardyń sport mektepterine tegin kirýine mıllıardtan astam teńge bólindi. Jan basyna qarjylandyrý jobasy sporttyń 17 túri boıynsha sektsııalarǵa 5 myńnan astam jas qaraǵandylyqtardy tartýǵa múmkindik berdi, dep habarlaıdy QazAqparat oblys ákimdigi saıtyna silteme jasap.

Bul týraly óńir basshysy Jeńis Qasymbek Ortalyq kommýnıkatsııalar qyzmeti alańynda ótken baspasóz máslıhatynda aıtty.

Dene shynyqtyrý men sporttyń qoljetimdiligi jańa sport alańdaryn salý esebinen qamtamasyz etiledi. Bıyl oblysta 13 iri sport nysany salynyp jatyr. Olardyń tórteýi aıaqtalyp keledi. Olar: Ulytaý aýdanynyń Qarsaqpaı aýylyndaǵy DSK, Jańaarqa aýdanynyń Jańaarqa kentindegi basseın, Nura aýdanynyń Nura kentindegi kópfýnktsıonaldy sport kesheni jáne Qaraǵandydaǵy Q. Baısholaqov atyndaǵy sport kesheni.




Oqýshy oryndarynyń tapshylyǵy máselesi de sheshilýde. 2025 jylǵa qaraı oblysta 17 mektep salynady. Olardyń tórteýi bıyl salynady.

166 aýyldyq mektepte jóndeý jumystary júrgizildi. 2025 jylǵa deıin taǵy 299 oqý ornyn jańǵyrtý josparda bar.

– Búgingi kúni halyqtyń áleýmettik osal toptarynan shyqqan balalar qashyqtyqtan jáne derbes jumys formatynda oqytý úshin kompıýterlik tehnıkamen tolyq qamtamasyz etilgen. Sonymen qatar, 1-4 synyp oqýshylary tegin ystyq tamaqpen qamtylǵan», – dedi óńir basshysy.

Oblysta erekshe balalardy áleýmettik qoldaýǵa kóp kóńil bólinedi. Kelesi jyly aýtıstik spektr buzylysymen balalarǵa arnalǵan ońaltý ortalyǵy ashylady.








Basty sózder: Sport, Qaraǵandy oblysy,
Joǵary qaraı