Aýa raıy
Astana 22 °S
Almaty 28 °S
valıýta baǵamy
USD 412.55
EUR 465.73
RUB 5.79
CNY 58.91

Qaraǵandy oblysynda áıel adamnyń órtelgen máıiti tabyldy

2019 jyldyń 14 qarasha 2019 14:31

QARAǴANDY. QazAqparat - Qaraǵandy oblysynyń polıtsııa qyzmetkerleri bir táýlik ishinde «izin sýytpaı» eki asa aýyr qylmysty ashty, dep habarlaıdy QazAqparat tilshisi.

13 qarasha kúni Jańa Dýbovka kentinen 2 shaqyrym jerde denesinde zorlyq-zombylyq belgileri bar áıel adamnyń órtengen máıiti tabyldy.

Aldyn-ala tergeý barysynda jábirlenýshiniń tulǵasy anyqtalyp, onyń 42 jastaǵy Abaı aýdanynyń turǵyny ekeni belgili boldy.

Atalǵan fakti boıynsha Qazaqstan Respýblıkasy Qylmystyq Kodeksiniń 99-baby 1-tarmaǵyna (adam óltirý) qylmystyq is qozǵaldy.

Jedel izdestirý is-sharalary barysynda oblystyq Krımınaldyq polıtsııa basqarmasy qyzmetkerleriniń qyraǵy is-qımylynyń arqasynda atalǵan iske qatysy bar degen kúdikpen 21 jastaǵy kúdikti anyqtalyp, ustaldy. Ol sózge kelispeýshilik barysynda jábirlenýshige dene jaraqattaryn keltirgenin jáne qylmystyń izin jasyrý maqsatynda óziniń 21 jastaǵy tanysymen birge máıitti órtegenin moıyndady.

Qazirgi ýaqytta basty kúdikti ýaqytsha ustaý ızolıatoryna qamalyp, sybaılasyna qatysty bultartpaý sharasyn qoldaný qarastyrylýda.

Sondaı-aq, osy kúni Nura aýdandyq polıtsııa bóliminiń qyzmetkerleri úkenshige qaraqshylyq shabýyl jasaǵan 52 jastaǵy Nura kentiniń turǵynyn ustady. Ol 57 jastaǵy dúkenshini tonaý úshin pyshaq kezegen.

Bul fakti boıynsha Qazaqstan Respýblıkasy Qylmystyq Kodeksiniń 192-baby 1-tarmaǵyna (qaraqshylyq shabýyl) sáıkes qylmystyq is qozǵalyp, kúdikti ýaqytsha ustaý ızolıatoryna qamaldy.

Joǵary qaraı