Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda avtobýs júrgizýshileri tapshy

2022 jyldyń 21 qańtar 2022 07:38

QARAǴANDY. QazAqparat – Qaraǵandy oblysynyń ákimi Jeńis Qasymbek Qaraǵandy men Temirtaý avtoparkterinen jolaýshylar tasymalynyń sapasyn jaqsartýdy talap etti. Servıs deńgeıi joǵarylaǵannan keıin ǵana sýbsıdııalardy ulǵaıtý máselesin sheshýge bolady, dedi óńir basshysy óńir ákimdiginde ótken onlaın keńeste, dep habarlaıdy QazAqparat tilshisi.

«Jolaýshylar tasymaly sapasyna qatysty shaǵymdar óte kóp. Adamdar áleýmettik jelilerde jazady. Maǵan tártip ornatý týraly ótinishter keledi. Avtobýstardyń jetispeýine, kesteniń saqtalmaýyna, júrgizýshiler men kondýktorlardyń dórekiligine, sanıtarlyq talaptardyń buzylýyna shaǵymdanady», – dep atap ótti Jeńis Qasymbek.

Qaraǵandydaǵy eń iri tasymaldaýshynyń ókili shaǵymdarmen kelisti.

«Qyzmet kórsetý mádenıetine keletin bolsaq, biz muny bilemiz. Kún saıyn, aı saıyn bizdiń kásiporyn boıynsha elýge jýyq shaǵym túsedi. Biraq men aqtamaımyn. Olardyń sanyn azaıtý kerek», – dedi № 3 avtopark dırektory Artýr Grıgorıan. Sondaı-aq ol kásiporynyń birqatar problemalaryn atap ótti.

Artýr Grıgorıannyń aıtýynsha, marshrýttarda júrgizýshiler jetispeıdi. Kóbisi joǵary aqy tólenetin oryndarǵa barady.

Sonymen qatar, pandemııa jolaýshylar aǵynynyń azaıýyna ákep soqty, amortızatsııaǵa shyǵyndar ósti. Memleketten bólinetin sýbsıdııa jetpeıdi.

Júrgizýshiler tapshylyńǵy jáne sýbsıdııany ulǵaıtý qajettigi týraly Qaraǵandy men Temirtaýdyń basqa tasymaldaýshylary da aıtty.

«Biz sýbsıdııany kóbeıtemiz. Biraq sizder sapaly qyzmet kórsetińizder jáne avtobýstardy jańartý boıynsha mindettemeler alyńyzdar» – dep talap etti Jeńis Qasymbek.

Jolaýshylar kóligi jáne avtomobıl joldary basqarmasynyń málimetinshe, 2021 jyly Qaraǵandyda otandyq óndiristiń 40 jańa avtobýsy iske qosyldy, Temirtaýda – 20, Jezqazǵanda – 20, Saranda – 11.

Keńeste sondaı-aq elektrondyq tólem júıesin engizý týraly aıtyldy.

Qaraǵandy ákimi Ermaǵanbet Bólekpaev 160 myńǵa jýyq ONAY! kartasy satylǵanyn habarlady, olardy satatyn 93 núkteler jumys isteıdi.

Onyń aıtýynsha, qolma-qol aqshasyz tólem búginde aınalymnyń tórtten bir bóligin quraıdy.


Joǵary qaraı