Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda aýyl turǵyndary úshin ınvataksı iske qosyldy

2022 jyldyń 17 mamyr 2022 22:42

QARAǴANDY. QazAqparat – Nura aýdanynda ınvataksı paıda boldy. Onyń qyzmetin jeke kómekshisi bar І top múgedekteri, sondaı-aq kreslo-arbamen qozǵalatyn múmkindigi shekteýli balalar paıdalana alady, dep habarlaıdy QazAqparat tilshisi.

Invataksı qyzmetin paıdalaný úshin Nura aýdanynyń jumyspen qamtý jáne áleýmettik baǵdarlamalar bólimine júginý qajet.

«Turǵyndar bizge erkin formada ótinish jazyp, jeke kýálik pen dárigerlik keńes komıssııasynyń qorytyndysyn qosa berýi qajet. Osydan keıin olar ınvataksı qyzmetterin tegin paıdalana alady. Invataksıge odan ári tapsyrys berý úshin olar bizdiń bólimde qurylǵan dıspetcherlik qyzmetke (8-72144) 2-16-79 nómirine qońyraý shalýy kerek», – dep habarlady Nura aýdanynyń jumyspen qamtý jáne áleýmettik baǵdarlamalar bólimi.




Nura aýdanynda ınvataksı qyzmetin uıymdastyrýǵa «ArselorMıttal Temirtaý» kompanııasy kómektesti. Kásiporyn mamandandyrylǵan «Gazel» satyp alýǵa qarajat bóldi.

Avtokólik «Nura aýdanynyń múgedekterdi qoldaý qory» qoǵamdyq qorynyń balansyna berildi.

Qor kóliktiń shyǵyndaryn kóteredi.

«Biz ınvataksı qyzmetimen bıyl 75 adamdy qamtýdy josparlap otyrmyz. Suranys kóp bolýy múmkin. Bizdiń aýdanda 1046 múgedektigi bar adam turady», – dep tolyqtyrdy aýdandyq jumyspen qamtý jáne áleýmettik baǵdarlamalar bólimi.


Joǵary qaraı