Aýa raıy
Astana 12 °S
Almaty 12 °S
valıýta baǵamy
USD 412.55
EUR 468.66
RUB 5.79
CNY 58.80

Qaraǵandy oblysynda aýyl mektebiniń úzdik 200 oqýshysy Myń bala ulttyq olımpıadasynda baq synaıdy

2020 jyldyń 6 tamyz 2020 18:12

QARAǴANDY. QazAqparat - Qaraǵandy oblysynda aýyl mektepteriniń 200 oqýshysy Myń bala ulttyq olımpıadasynda baq synaıdy, dep habarlaıdy QazAqparat.

«Elbasy Akademııasy» korporatıvtik qory uıymdastyratyn Myń bala ulttyq olımpıadasy aýyldyq jerdegi daryndy balalardy anyqtaýǵa jáne qoldaýǵa baǵyttalǵan. Jyl saıyn aýyl mektebiniń 5-6 synyp oqýshylary arasynda ótkiziledi. Jeńimpazdar elimizdiń úzdik oqý oryndarynda oqıdy.

Osy jyly aqpan – naýryz aılarynda birinshi, syrttaı kezeńi ótti. Ol qashyqtan uıymdastyryldy. Aqparattyq-taldaý ortalyq alty pán boıynsha eki toqsandaǵy úlgerim derekterin óńdedi. Bul matematıka, jaratylystaný, ınformatıka, sondaı-aq qazaq, orys jáne aǵylshyn tilderi. Nátıje boıynsha elimizdegi aýyl mektepteriniń 5 myń úzdik besinshi jáne altynshy synyp oqýshylary irikteldi.

Ekinshi, tikeleı kezeń ótkiziletin ýaqyt karantınge baılanysty eki ret aýystyryldy. Uıymdastyrýshylar jańa kúndi belgiledi. Aqyrǵy týr Qaraǵandy qalasyndaǵy Hımııa-bıologııa baǵytyndaǵy Nazarbaev zııatkerlik mektebinde 21-22 tamyzda ótkizý josparlanyp otyr.

Olımpıadanyń myńdaǵan jeńimpazy kompıýterlik testileý arqyly anyqtalady. Logıkalyq jáne tanymdyq tapsyrmalar oryndaý talap etiledi.

Qaraǵandy oblysynda ekinshi kezeńge 200 mektep oqýshysy ótti.

Jeńimpazdarǵa daryndy balalarǵa arnalǵan mamandandyrylǵan mektepterde oqýdy usynady. Olımpıadanyń barlyq qatysýshylary odan ári oqýǵa jáne daǵdylaryn damytýǵa arnalǵan El Úmiti damytýshy onlaın platformaǵa tegin kirýge ruqsat beriledi.


Joǵary qaraı