Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda ata-analarǵa balany qashyqtan qalaı oqytý kerektigi úıretiledi

2020 jyldyń 6 tamyz 2020 18:18

QARAǴANDY. QazAqparat - Qaraǵandy oblysyndaǵy mektep oqýshylarynyń ata-analary «Otbasy saǵaty» onlaın kezdesýge shaqyrady. Ata-analar úshin balalardyń qaýipsizdigi men bos ýaqytyn qalaı qamtamasyz etý, sondaı-aq qashyqtyqtan oqytý ýaqytynda balanyń kún tártibin qalaı tıimdi uıymdastyrý kerektigin aıtatyn sarapshylar sóz sóıleıdi, dep habarlaıdy QazAqparat.

Joba Qaraǵandy oblysy ákimshiliginiń qoldaýymen Bilim basqarmasy iske qosty. Ol mektep oqýshysynyń ata-analaryn, bilim berý salasynyń sarapshylary men basqarma mamandarynyń tikeleı qarym-qatynasy úshin qurylǵan alǵashqy biregeı alań.

«Otbasy saǵaty» onlaın jobasy kún saıyn ótedi. Qaraǵandyda – beısenbi saıyn, oblystyń basqa qalalary men aýdandarynda – juma saıyn uıymdastyrylady.

Mundaı birinshi kezdesý ótti. Oǵan shamamen alty myń ata-ana qatysty. Sarapshylar mektep oqýshysyn pedofılden qalaı qorǵaý týraly jáne balalardyń jol qaýipsizdigi týraly aıtady.

Osy aptada shaqyrylǵan qonaqtar qashyqtan oqytý ýaqytynda balaǵa kómektesý, mektep oqýshysynyń kúnin barynsha tıimdi uıymdastyrý jáne bilimge degen qyzyǵýshylyǵyn arttyrý týraly aıtady.

Sarapshylar ZOOM platformasyna shyǵady, tikeleı kórsetilim Facebook jáne Instagram áleýmettik jelisinde júrgiziledi. Ata-analar sarapshylarǵa suraqtar qoıa alady.

Jobaǵa qatysý jáne sóz sóılegendermen áńgimelesý úshin balanyń synyp jetekshisine habarlasyp, kórsetilimniń ózekti paraqshasyna silteme suraý kerek.

Onlaın kezdesý oqý jylynyń sońyna deıin únemi ótkiziledi.


Basty sózder: Karantın, Bilim, Qaraǵandy oblysy,
Joǵary qaraı