Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda 7 myń turǵyn zeınetaqy jınaǵyn úı satyp alýǵa paıdalanady

2021 jyldyń 22 aqpan 2021 23:34

QARAǴANDY. QazAqparat – Qaraǵandy oblysynda 7 172 turǵyn turǵyn úı jaǵdaıyn jaqsartý úshin zeınetaqy jınaqtarynyń bir bóligin paıdalanýǵa sheshim qabyldady. Qurylys, sáýlet jáne qala qurylysy basqarmasy basshysynyń m.a. Abzal Jaılybaev oblystyq ákimdikte ótken apparattyq keńeste turǵyn úı qurylysyn arttyrý jáne jaqsartý boıynsha memlekettik baǵdarlamalardyń qalaı júzege asyrylyp jatqanyn baıandady, dep habarlaıdy QazAqparat tilshisi.

Óńirde oblys turǵyndaryn turǵyn úımen qamtamasyz etý boıynsha birneshe memlekettik baǵdarlama júzege asyrylýda. Olardyń ishinde óz páterin satyp alýǵa nemese qolda bar páterdi keńeıtýge jeńildikti qaryzdar bar. Keıinnen satyp alý quqyǵymen uzaq merzimdi jalǵa beriletin turǵyn úı usynylady.

Sondaı-aq, aýylda turǵyn úı salý kezinde shyǵyndardyń 50%-yn sýbsıdııalaý josparlanǵan. Ótken jyldan bastap «Otbasy banki» «Nurly jer» baǵdarlamasynyń jańa baǵytyn iske asyrýda. «Shańyraq» jobasy (5-10-20) kezekte turǵandarǵa jeńildetilgen ıpoteka alýǵa múmkindik beredi. Qazirdiń ózinde 260 ótinim berildi, 41 ótinim maquldandy.

Bıyl oblysta 662 myń sharshy metr turǵyn úıdi paıdalanýǵa berý josparlanǵan, bul 2,9 myń kezekte turǵandardy baspanamen qamtamasyz etýge múmkindik beredi.

«Turǵyn úı alýǵa kezekte turǵan azamattardyń sany jyl saıyn ósip keledi. Búginde bul oblystyń 36 233 turǵyny. Bıyl kezekte turǵan 2,9 myń adamdy turǵyn úımen qamtamasyz etý josparlanýda», - dedi Abzal Jaılybaev.

Endi turǵyn úı kezeginde turǵandar týraly barlyq derekter bir jerge biriktiriledi. «Otbasy banki» bazasynda turǵyn úımen qamtamasyz etý jónindegi biryńǵaı ortalyq qurylady. Munda kezekte turǵandar boıynsha barlyq derekter engiziledi jáne turǵyn úı kezekke qoıylǵan kúni boıynsha bólinetin bolady.

Turǵyn úımen qamtamasyz etý máselesi oblys ákiminiń erekshe baqylaýynda.

«Qalalar men aýdandardyń ákimderine óńir turǵyndaryn turǵyn úımen qamtamasyz etýge erekshe nazar aýdarý qajet. «Nurly jer», «Baqytty otbasy» baǵdarlamalary ýaqtyly jáne sapaly iske asyrylýy tıis. Halyqty memlekettik baǵdarlamalar týraly áleýmettik jeliler men BAQ arqyly habardar etýdi qamtamasyz etý qajet. Sondaı-aq, qurylys ındýstrııasyn damytý kerek. Bul rette óńirlik qurylys materıaldaryn satyp alýǵa jáne qoldanýǵa nazar aýdarý mańyzdy», - dep tapsyrdy Jeńis Qasymbek.

Joǵary qaraı