Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda 60 myńnan astam aýyl turǵyny saılaýǵa qatysty

2021 jyldyń 25 shilde 2021 22:54

QARAǴANDY. QazAqparat – Qaraǵandy oblysynda barlyq okrýgter boıynsha 149 eldi mekende aýyl ákimderiniń alǵashqy tikeleı saılaýy ótti. Aldyn ala nátıjeler boıynsha, daýys berýge 60 myńnan astam saılaýshy qatysty, dep habarlaıdy QazAqparat tilshisi.

Bul týraly oblystyq saılaý komıssııasynyń tóraǵasy Erqara Aımaǵambetov tikeleı efırde ótken brıfıngte málimdedi.

«Qazirgi ýaqytta keıbir saılaý ýchaskelerinde daýystardy sanaý qorytyndylary boıynsha hattamalar resimdelýde. Biraq saılaý barlyq okrýgterde ótti dep senimmen aıtýǵa bolady. Aldyn ala málimetter boıynsha, oblystaǵy aýyl ákimderin saılaýǵa 60 myńnan astam saılaýshy qatysty, bul 74%-dy quraıdy. Barlyq saılaý ýchaskelerinde azamattardyń, onyń ishinde erekshe qajettilikteri bar saılaýshylardyń daýys berýi úshin qajetti jaǵdaılar jasaldy. Barlyq sanıtarlyq sharalar saqtaldy», - dedi Erqara Aımaǵambetov.

Esterińizge sala keteıik, Qaraǵandy oblysynda 75 aýyl ákimi saılanady. Saılaýǵa 257 kandıdat shyqty: 81 – saıası partııalardan jáne 176 ózin-ózi usynýshylar. Ortasha básekelestik – bir orynǵa 3,4 kórsetkishin qurady.


Joǵary qaraı