Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda 25 myńǵa jýyq adam ekosenbilikke shyqty

2021 jyldyń 20 qyrkúıek 2021 03:28

QARAǴANDY. QazAqparat – Qaraǵandy oblysynda «World Cleanup day 2021» jáne «Birge-taza Qazaqstan» Dúnıejúzilik aktsııasyna qatysty. Ekosenblikke óńirdiń 25 myńǵa jýyq turǵyny shyqty. Olar 3 myń tonnaǵa jýyq qoqys jınady, dep habarlaıdy QazAqparat tilshisi.

Qaraǵandy oblysynyń barlyq óńirinde «World Cleanup day 2021» jáne «Birge-taza Qazaqstan» aktsııasy ótkizildi. Atalǵan aktsııanyń maqsaty – eldi mekenderde ruqsat etilmegen qoqys tastaıtyn jerlerdi tazalaý, abattandyrý.

Oblysta barlyq sanıtarlyq-epıdemıologııalyq talaptardy saqtaı otyryp, is – sharaǵa 24,6 myńnan astam adam qatysty. Onyń ishinde memlekettik organdardyń qyzmetkerleri – 6 639, volonterler – 1 874, turǵyndar - 16 myńǵa jýyq adam.





Qaraǵandyda Ekologııa departamenti men Tabıǵı resýrstar jáne tabıǵatty paıdalanýdy retteý basqarmasy birlesip Jeńis saıabaǵynyń aýmaǵynda senbilik uıymdastyrdy.

Bul kúni «World Cleanup day 2021» aktsııasy álemniń 150 elinde ótti, oǵan 380 mln-nan astam adam qatysty.





Senbilik «Qoqysty surypta, tapsyr, qaıta óndir» aktsııasyn da qamtydy, onda qaldyqtar qaıta óńdeletin jáne qaıta óńdelmeıtin dep eki túrli paketke suryptaldy. Jınalǵan qaldyq qaıta óńdeýge berildi.





Joǵaryda kórsetilgen aktsııalar aıasynda oblystyń 18 eldi mekeniniń aýmaǵynda aýdany 2 myń gekter alqapta 2,9 myń tonna turmys qoqysy jınaldy jáne 2 150 turli kóshet otyrǵyzyldy.





Joǵary qaraı