Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda 12 myńnan astam jasóspirim ekpe aldy

2022 jyldyń 13 qańtar 2022 03:32

QARAǴANDY. QazAqparat – Qaraǵandyda bosanýǵa daıyndyq mektebiniń mamandary endi júkti áıelderge vaktsına týraly keńes beredi. Olar sondaı-aq jasóspirimderdiń ata-analarymen de jumys isteıdi, dep habarlaıdy QazAqparat tilshisi.

Qaraǵandy qalasynyń №4 emhanasynda júkti áıelderdi bosanýǵa daıyndaıtyn arnaıy mektep jumys isteıdi.

Olarǵa psıhologtar men akýsherler keńes beredi.

Júkti áıelderdi vaktsınalaý bastalǵaly mamandar ekpe alýdan úreılenetinderge ekpeniń paıdasy men qajettiligi jóninde sabaqtar ótkizedi.

«Júkti áıelderdi vaktsınatsııalaýda olar birinshiden neden qorqatyndaryn aıtady. «Bul vaktsına ishtegi nárestemizge keri áser ete me?» degen suraqtar qoıady kóbine. Jáne óz densaýlyǵyna da qatty alańdaıdy. Sondyqtan bizdiń emhanada «antıkovıd mektebi» dep atalatyn ortalyq jumys isteıdi. Biz barlyq suraqtarǵa jan-jaqty jaýap beremiz», - deıdi Qaraǵandy qalasynyń №4 emhanasy aldyn alý bóliminiń meńgerýshisi Nurǵaıyń Batyrlına.




Saltanat Joldasova - vaktsına alǵandardyń biri. Ol alǵashynda ekpege kúmánmen qaraǵanyn aıtady.

Alaıda, daıyndyq mektebiniń mamandarymen áńgimelesip, vaktsınatsııa jasaýǵa bekinipti.

«Maǵan barlyǵyn túsindirip aıtty. Qoryqpaýymdy surady. Kerisinshe, vaktsına maǵan da, balama da jaqsy áser etetinin túsindirip berdi. Júktiliktiń 36-shy aptasynda osynda kelip, Pfizer vaktsınasyn aldym», - deıdi Saltanat Joldasova.

Búgingi kúni oblys boıynsha 544 júkti áıel egildi. Endi epıdjaǵdaı týraly aıtsaq: ótken táýlikte bizdiń óńirde koronavırýstyń 51 jańa jaǵdaıy tirkeldi.

Óz kezeginde ońalǵandardyń sany - 12 adam.





Joǵary qaraı