Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda 1 300 shaqyrym jol jóndeledi

2021 jyldyń 14 sáýir 2021 05:36

QARAǴANDY. QazAqparat – Qaraǵandy oblysynyń ákimi Jeńis Qasymbek joldardy táýlik boıy jóndeýdi tapsyrdy, dep habarlaıdy QazAqparat tilshisi.

«Jóndeý jumystary kezinde turǵyndar men tasymaldaýshylarǵa qandaı da bir ýchaskelerdi jabý kútpegen jańalyq bolmaýy úshin aldyn ala eskertýdi qamtamasyz etý qajet. Jazda merdigerlik kompanııalar kúndiz turǵyndarǵa kedergi keltirmeý úshin túnde asfalt tóseýi tıis. Bul qalalardaǵy qalypty tájirıbe.

Adamdar sapaly joldarmen júrgisi keledi. Olar buǵan laıyq», – dep atap ótti óńir ákimi.

Bıyl oblysta 1 300 shaqyrym joldy jóndeý josparlanǵan. Ortalyq-ońtústik kólik dálizin qurý negizgi joba bolyp qala beredi. Bıyl jalpy uzyndyǵy 513 shaqyrym bolatyn Qaraǵandy – Balqash, Balqash – Býrylbaıtal ýchaskelerin qaıta jańartý aıaqtalady.

Jazda Qaraǵandy – Temirtaý – Tokarevka avtojolynda Nura ózeni arqyly ótetin kópirdi qaıta jańartý bastalady. Bul Temirtaý – Qaraǵandy tas jolyna túsetin júktemeni azaıtýǵa múmkindik beredi. Qaraǵandy – Saran – Shahtınsk jolyna kúrdeli jóndeý jalǵasatyn bolady.

«Sondaı-aq Abaı aýdanyndaǵy Jartas – Dolınka, Buqar Jyraý aýdanyndaǵy Novodolınka – Shahan – Molodetskoe baǵyttary boıynsha joldardy, sondaı-aq Qaraǵandy – Úshtóbe – Qurylys avtojolynyń toǵyz shaqyrymyn qaıta jańartý jalǵastyrylady. Jumystardy 2022 jyly aıaqtaý josparlanýda» , - dedi Jolaýshylar kóligi jáne avtomobıl joldary basqarmasynyń basshysy Áskerbek Haltonov.

Ol sonymen qatar Qarajal – Atasý, Osakarovka – Molodejnoe, Nura – Shahter avtojoldaryn qaıta qalypqa keltirý týraly aıtyp berdi. Aýyldyq eldi mekenderdegi joldar da nazardan tys qalmaıdy – «Aýyl – El besigi» arnaıy jobasyn iske asyrý jalǵastyrylady. Oblystyń avtojoldarynda jóndeý jumystaryn ýaqtyly aıaqtaý úshin 3 myńǵa jýyq jol-qurylys tehnıkasy men 5 myńnan astam adam jumys isteıdi.

Jeńis Qasymbek qala jáne aýdan ákimderine konkýrstyq naýqandy merziminde aıaqtaýdy, jóndeýge qajetti materıaldardyń daıyndalýyn jáne oryndalatyn jumystardyń sapasyn baqylaýdy tapsyrdy.


Joǵary qaraı