Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysy polıtsııasynyń 500-ge jýyq qyzmetkeri marapattaldy

2020 jyldyń 2 jeltoqsan 2020 07:12

QARAǴANDY. QazAqparat – QR Іshki ister mınıstri Erlan Turǵymbaev pen Qaraǵandy oblysy Polıtsııa departamentiniń bastyǵy Erlan Faızýllınniń buıryǵymen qyzmette joǵary nátıjelerge qol jetkizgen ishki ister organdarynyń qyzmetkerleri medaldar, tósbelgiler, qurmet gramotalary men alǵys hattar aldy, dep habarlaıdy QazAqparat tilshisi.

Atap aıtqanda, QR ІІM Qurmet gramotasymen – bir qyzmetker, QR ІІM gramotasymen – úsh, «Іshki ister organdarynyń úzdigi» ІІ dárejeli tósbelgisimen – alty, alǵys hatpen alty qyzmetker marapattaldy.

Sondaı-aq bes qyzmetker «Quqyq tártibin qamtamasyz etýge qosqan úlesi úshin» medalin alyp, oblystyq ishki ister organynyń jeti qyzmetkerine alǵys jarııalandy.





Oblystyq Polıtsııa departamenti bastyǵynyń gramotasymen – 34 qyzmetker, alǵys hatymen 24 qyzmetker marapattaldy, 375 qyzmetkerge alǵys jarııalandy.

«1 jeltoqsanda Qazaqstan Respýblıkasynyń Tuńǵysh Prezıdenti kúni atap ótiledi. Bul mereke – Ult Kóshbasshysy – Nursultan Nazarbaevqa sińirgen eren eńbegi, Táýelsiz Otanymyzdyń damýyna qosqan úlesi úshin qurmet. 1991 jylǵy 1 jeltoqsanda osyndaı myqty jáne bedeldi saıasatkerdiń Prezıdent laýazymyna saılanýy elimizdiń damýy úshin turaqtandyrýshy faktor boldy. Elbasynyń kóregen saıasaty qarapaıym adamdardyń shynaıy qurmetine bólenip, álemdik kóshbasshylardy tánti etedi. Búginde Qazaqstanda 140 etnos pen 40 konfessııanyń ókilderi bir úlken jáne tatý otbasy bolyp ómir súrýde. Táýelsizdik jyldarynda Tuńǵysh Prezıdenttiń bastamasymen qurylǵan jáne ol basqaratyn Qazaqstan halqy Assambleıasy biregeı ınstıtýtqa aınaldy, ol bizdi birtutas Qazaqstan halqyna biriktirdi», - dep atap ótti Qaraǵandy oblysy PD bastyǵy Erlan Faızýllın.






Joǵary qaraı