Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysy Osakarov aýdanynyń 845 turǵyny vaktsına aldy

2021 jyldyń 19 sáýir 2021 13:28

QARAǴANDY. QazAqparat – Qaraǵandy oblysynyń Osakarov aýdanynda 845 turǵyn «Spýtnık V» vaktsınasyn aldy, dep habarlaıdy QazAqparat tilshisi.

16 sáýirdegi málimet boıynsha aýdannyń egý pýnktterinde 845 turǵyn vaktsınatsııa saldyrǵan.

Egý pýnktteri emhanalarda, feldsherlik-akýsherlik pýnktterde jáne aýyldyq dárigerlik ambýlatorııalarda jumys isteıdi. Vaktsına alǵysy keletinderdiń arasynda jastar da qarttar da bar.

«Alǵashqy ekpelerdiń biri medıtsına qyzmetkerlerine jasaldy. COVID-19-ǵa qarsy vaktsınatsııadan ótken adamdarda jaǵymsyz reaktsııalar baıqalmaıdy, olardyń jaǵdaıy jaqsy», - dep atap ótti aýdandyq aýrýhananyń bas dárigeri Olga Travneva.

Vaktsına alǵandardyń arasynda zeınetker Vıktor Grebenıýk te bar. Ol 68 jasta.

«Men burynnan ekpe alamyn dep sheshim qabyldap qoıǵanmyn. Jappaı vaktsınatsııanyń bastalýyn kúttim. Naýqan bastalǵan bette, birinshi kúnge jazyldym. Egý aldynda sál tolǵandym. Men eshqandaı reaktsııa baıqamadym, ózimdi jaqsy sezinemin. Koronavırýsqa qarsy ekpe alýǵa sanaly túrde keldim. Meniń oıymsha, barlyq jurt vaktsınatsııalanýy kerek, óıtkeni ınfektsııa óte aýyr. Osylaısha biz ujymdyq ımmýnıtetti qalyptastyramyz, sonyń arqasynda biz jańa indet juqtyrýdyń kóbeıýinen aýlaq bolamyz», - deıdi Vıktor Grebenıýk.

«Men Osakarovka kentiniń sport mektebinde jumys isteımin. Dárigerdiń keńesi boıynsha ekpe jasaý kerek dep sheshtim. Men koronavırýspen aýyrmadym. Meniń anam 70 jasta, týystarym bar. Jyl ońaı bolǵan joq, únemi úreıli kúıde júresiń, túshkirip qalsań ýaıymdaı bastaısyń. Egde jastaǵy týystarym úshin alańdaımyn, sondyqtan ekpe jasaýǵa nıet bildirip, erteńgi kúnge degen senimdilikke ıe bolǵym keldi. Men barlyq aýdan turǵyndaryn saqtyq sharalaryn saqtaýǵa jáne vaktsınatsııadan qoryqpaýǵa shaqyramyn!», - deıdi 48 jastaǵy Elena Lebedıntseva.


Joǵary qaraı