Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysy ákiminiń orynbasary taǵaıyndaldy

2021 jyldyń 26 shilde 2021 09:40

QARAǴANDY. QazAqparat - Qaraǵandy oblysy ákiminiń jańa orynbasary taǵaıyndaldy. Bul laýazymdy Vadım Basın atqaratyn bolady, dep habarlaıdy QazAqparat tilshisi.

Buryn ol «ArselorMıttal Temirtaý» AQ atqarýshy dırektory bolyp jumys istegen. Jańa laýazymda ol energetıka, TKSh, ındýstrııalyq-ınnovatsııalyq saıasat jáne ınvestıtsııalar, TJ máselelerine jetekshilik etetin bolady.

Óziniń jańa orynbasaryn óńir ákimi Jeńis Qasymbek onlaın rejımde ótken apparattyq keńeste tanystyrdy.

Vadım Basın 1962 jyly dúnıege kelgen. Onyń eki joǵary bilimi bar: 1985 jyly «Taý-ken jumystaryn elektrlendirý jáne avtomattandyrý» mamandyǵy boıynsha Qaraǵandy polıtehnıkalyq ınstıtýtyn, 1990 jyly «Ónerkásiptik elektronıka mamandyǵy boıynsha Tomsk avtomattandyrylǵan basqarý júıeleri jáne radıoelektronıka ınstıtýtyn aıaqtady.

Eńbek jolyn 1986 jyly bastaǵan. Qaraǵandy metallýrgııa kombınatynda aglotsehtiń ınjener-elektrıgi, aglotseh bastyǵynyń elektr óńdeý jónindegi orynbasary bolyp jumys istedi.

2003 jyly «Ispat-Karmet AQ bas energetıgi boldy.

2011 jyldan bastap «ArselorMıttal Temirtaý» AQ Basqarma dırektsııasynyń jóndeý jónindegi dırektory qyzmetin atqardy.

2013 jyly «ArselorMıttal Temirtaý» AQ jóndeý jónindegi atqarýshy dırektorynyń orynbasary, keıin osy kompanııanyń basqarý dırektsııasynyń óndiris jónindegi dırektory bolyp taǵaıyndaldy.

2017 jyldan bastap «ArselorMıttal Temirtaý» AQ atqarýshy dırektory bolyp jumys istedi.

Vadım Basın «Qazaqstannyń Eńbek Eri» ataǵyna ıe boldy, «Otan» jáne «Qurmet» ordenderimen marapattaldy.


Joǵary qaraı