Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy medýnıversıtetiniń klınıkasynda mýltıspıraldy tomograf ornatyldy

2021 jyldyń 24 qyrkúıek 2021 02:33

QARAǴANDY. QazAqparat – Qaraǵandy medıtsına ýnıversıtetiniń klınıkasynda eń az sáýlelik júktememen zamanaýı kompıýterlik tomograf ornatyldy, dep habarlaıdy QazAqparat tilshisi.

Mýltıspıraldy kompıýterlik tomograf salmaǵy 205 kelige deıingi patsıentterdi tekserýge múmkindik beredi.

Bul jaǵdaıda radıatsııalyq júktemeler patsıenttiń kúndelikti rentgenografııa kezinde alatyn júktemelerine jaqyn.

Jańa qondyrǵyda tegin dıagnostıkadan medıtsınalyq mekemeniń statsıonarlyq patsıentteri, onkologııalyq kvotalary bar turǵyndar jáne MÁMS sheńberinde óte alady.

Sondaı-aq, tomografııa aqyly negizde qol jetimdi.

«Jabdyqty «Shevron« kompanııasy QR Densaýlyq saqtaý mınıstrligi bastamashylyq etken pandemııamen kúreste Qazaqstanǵa gýmanıtarlyq kómek kórsetý jónindegi keń aýqymdy baǵdarlama sheńberinde satyp aldy. Mundaı kompıýterlik tomograftar elimizdiń alty medıtsınalyq uıymy úshin satyp alyndy», – dedi klınıkada.

Qaraǵandy oblysynda qazir barlyǵy 26 kompıýterlik tomografııa kabıneti bar. Biraq jańa qurylǵy - tehnıkalyq múmkindikteri boıynsha eń zamanaýı.

«Buryn óńirde balalardy tekserýde qıyndyq týyndaǵan, ol úshin anestezııany qoldaný talap etildi. Jańa qurylǵy bul máseleni sheshedi. Ol óte jyldam. Zertteý az ýaqyt alady. Sondaı-aq, jańa kabınet qalǵan kabınetterdiń júktemesin jeńildetedi jáne Qaraǵandy qalasy Oktıabr aýdanynyń turǵyndaryna medıtsınalyq kómekti qoljetimdi etedi», – dep atap ótti densaýlyq saqtaý basqarmasy basshysynyń orynbasary Bıbigúl Tólegenova.











Joǵary qaraı