Aýa raıy
Astana -17 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy mańynda jol apatynan bir adam zardap shekti

2020 jyldyń 23 qarasha 2020 14:38

QARAǴANDY. QazAqparat - Qaraǵandynyń mańynda úsh avtokólik soqtyǵysty. Apat saldarynan bir kóliktiń jolaýshysy zardap shekti, dep habarlaıdy QazAqparat tilshisi.

21 qarasha saǵat 9.22 shamasynda «Dýbovka kenti - Qaraǵandy qalasy» avtojolynda «VAZ 2114» avtokóliginiń 19 jastaǵy júrgizýshisi Qaraǵandy qalasy baǵytynda kele jatqan, 43 jastaǵy júrgizýshi tizgindegen «Hıýndaı» júk avtokóligimen soqtyǵysqan.

Apat saldarynan júk kóligi aýdarylyp, ótip bara jatqan «Aýdı» kóligine soǵylǵan.

Aldyn ala málimet boıynsha, «VAZ 2114» avtokóliginiń jas júrgizýshisi qarsy qozǵalys jolaǵyna shyǵyp ketken.

«Jol apaty saldarynan «Aýdı» avtokóliginiń jolaýshysy túrli jaraqatpen medıtsınalyq mekemege jetkizildi. Atalǵan fakti boıynsha QR QK 345-baby boıynsha sotqa deıingi tergeý bastaldy. Tıisti saraptamalar taǵaıyndaldy, tergeý júrgizilýde» dep habarlady Qaraǵandy oblysy PD baspasóz qyzmeti.



Joǵary qaraı