Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy mańynda 40 jolaýshy mingen avtobýs jol jıegine ushyp ketti

2020 jyldyń 28 qarasha 2020 14:36

QARAǴANDY. QazAqparat - Qaraǵandy mańynda jeńil avtokólikpen soqtyǵysqan jolaýshylar avtobýsy jol jıegine aýdarylyp qaldy. Jol apaty kezinde avtobýsta 40-qa jýyq jolaýshy bolǵan, dep habarlaıdy QazAqparat tilshisi.

28 qarasha saǵat 12.15 shamasynda Qaraǵandy-Esengeldi avtojolynyń 10-shy shaqyrymynda Novodolınskıı kentine jetpeı jol apaty boldy.

«Mersedes Bens» avtomashınasynyń 29 jastaǵy júrgizýshisi aldyn ala derekter boıynsha Shahtınsk qalasy baǵytymen júrip kele jatyp, 29 jastaǵy júrgizýshi tizgindegen №121 marshrýttaǵy «Sanos» avtobýsymen soqtyǵysqan.

«Jol apaty saldarynan avtobýs jol jıegine aýdarylyp ketken. Avtobýstyń 65 jastaǵy jolaýshysy túrli jaraqatpen Shahtınsk qalasynyń ortalyq aýrýhanasyna jetkizildi. Jol - kólik oqıǵasy kezinde avtobýs salonynda 40-qa jýyq jolaýshy bolǵan» dep habarlady Qaraǵandy oblysy PD baspasóz qyzmeti.

Atalmysh derek polıtsııada tirkeldi. Tıisti saraptamalar taǵaıyndaldy, olardyń nátıjesi boıynsha protsessýaldyq sheshim qabyldanady.






Joǵary qaraı