Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy attraktsıonyndaǵy áıeldiń ólimi: Kúdikti ustaldy

2021 jyldyń 12 qazan 2021 11:51

QARAǴANDY. QazAqparat – Qaraǵandyda qonaqúıdiń shatyryna ornatylǵan attraktsıonda áıeldiń qaza bolý isine baılanysty kúdikti ustaldy, dep habarlaıdy QazAqparat tilshisi.

10 qazan kúni «Sozvezdıe» qonaqúıiniń aýmaǵynda qaıǵyly oqıǵa oryn alǵan bolatyn. Toǵyz qabatty meımanhananyń shatyryna ornatylǵan attraktsıonda 25 metr bıiktikten sekirgen áıel kóz jumdy. Ol aýrýhanaǵa óte aýyr jaǵdaıda jetkizildi. Medıtsınalyq kómekke qaramastan, qaza boldy. Polıtsııa bul is boıynsha tergeýdi aldymen QR QK-niń 306-baby 1-bóligi («qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetý») boıynsha qozǵaǵan bolatyn. Alaıda, keıin qylmystyq isti QR QK 306-babynyń 3-bóligine («abaısyzda adam ólimine ákep soqtyrǵan áreketter») aýystyrdy. Aıyptalýshy 4-8 jylǵa deıingi merzimge bas bostandyǵynan aıyrylýy múmkin.

Búgin polıtsııa qyzmetkerleri attraktsıonnyń nusqaýshysyn qamaýǵa aldy.

«Tergeý barysynda qaýipsizdik tehnıkasyn óreskel buzǵan 32 jastaǵy attraktsıon nusqaýshysy anyqtaldy. Kúdikti QR QІJK 128-baby tártibinde ustalyp, ýaqytsha ustaý ızolıatoryna qamaldy. Qazirgi ýaqytta tergeý júrip jatyr», - dedi Qaraǵandy oblystyq Polıtsııa departamentiniń bastyǵy Erlan Faızýllın.



Joǵary qaraı