Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy ákimdigindegi jumysshynyń ólimi: Sot úkimi jarııalandy

2021 jyldyń 25 qazan 2021 18:49

QARAǴANDY. QazAqparat – Qaraǵandy qalasy ákimdiginiń sharýashylyq bóliminiń basshysy eki jylǵa sottaldy. Ol ákimdik ǵımaratynyń tórtinshi qabattaǵy terezesinen qulap ketken jumysshynyń ólimine kináli dep tanyldy, dep habarlaıdy QazAqparat tilshisi.

Qaıǵyly oqıǵa bıylǵy 19 sáýirde bolǵan edi. Qaraǵandy qalasy ákimdiginiń tórtinshi qabatynda slesar jóndeý jumystaryn bastamaqshy bolǵan. Ol aldymen qaýipsizdik belbeýin taǵyp, terezeniń aldyna shyǵa bergende, aıaǵy taıyp ketken. Alaıda jumyskerdiń qaýipsizdik belbeýi úzilip ketip, ol jerge qulaǵan. Alǵan jaraqatynan qaza boldy.

Osy is boıynsha Qazybek bı aýdandyq soty jumysshyǵa sapasyz saqtandyrý trosyn bergeni úshin qalalyq ákimdiktiń sharýashylyq bólim meńgerýshisin kináli dep tapty.

«Qylmystyq is sotqa protsessýaldyq kelisimmen kelip tústi. Sottalýshyǵa QR QK-niń 156-baby 3-bóligi «Abaısyzda adam ólimine ákep soqqan qaýipsizdik tehnıkasy erejelerin buzý» boıynsha aıyp taǵyldy. Oǵan 2 jyl bas bostandyǵyn shekteý jazasy taǵaıyndaldy», - dep habarlady Qazybek bı aýdandyq sotynan.


Joǵary qaraı