Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy ákimdigi ǵımaratynyń terezesinen er adam qulap, mert boldy

2021 jyldyń 21 sáýir 2021 22:10

QARAǴANDY. QazAqparat – Qaraǵandy qalasy ákimdigi ǵımaratynyń 4-shi qabatynda ornalasqan terezeden 37 jastaǵy er adam qulap ketti. Ol alǵan jaraqattarynan qaza boldy, dep habarlaıdy QazAqparat tilshisi.

Oqıǵa Qaraǵandy qalalyq ákimdiginiń ǵımaratynda bolǵan. 19 sáýirde 37 jastaǵy er adam 4-qabattyń terezesinen qulap ketken. Vedomstvonyń ózinde bul derekti rastady.

«Marqum tehpersonaldyń qyzmetkeri bolǵan. Qaıǵyly oqıǵanyń qalaı bolǵany ázirge belgisiz. Qaraǵandy qalasynyń ákimdigi tarapynan jerleýdi uıymdastyrýǵa kómek kórsetildi. Ákimdiktiń barlyq qyzmetkerleriniń atynan marqumnyń týystary men jaqyndaryna qaıǵyryp kóńil aıtamyz», - dedi Qaraǵandy qalasy ákiminiń baspasóz qyzmetinen.

Er adam týǵan jeri Qarqaraly aýdany Egindibulaq aýylynda jerlendi. Búgingi tańda polıtsııa atalǵan derek boıynsha tergeý júrgizýde.

«Atalǵan fakti sotqa deıingi tergep-tekserýdiń biryńǵaı tiziliminde tirkeldi. Tergeý amaldary júrgizilýde. Jaǵdaı anyqtalýda», - dep túsindirdi Qaraǵandy oblysy PD baspasóz qyzmetinen.


Joǵary qaraı