Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qar, jel, kóktaıǵaq - dúısenbige arnalǵan aýa raıy boljamy

2022 jyldyń 24 qańtar 2022 00:20

NUR-SULTAN. QazAqparat - Qazgıdromet 24 qańtarǵa arnalǵan aýa raıy boljamyn jarııalady, dep habarlaıdy QazAqparat.

QR basym bóligine jaýyn-shashynsyz aýa raıy kútiledi. Tek elimizdiń ońtústik-shyǵysy men ortalyǵynda jaýyn, qar jaýady. Sondaı-aq ol aýmaqta jeldiń kúsheıýi jáne kóktaıǵaq saqtalady. Respýblıka boıynsha keı jerlerde tuman kútiledi.

Túrkistan oblysynyń ońtústiginde, batysynda jáne taýly aýdandarynda tuman kútiledi, soltústiginde jáne taýly aýdandarynda jel 15-20 m/s kúsheıedi.

Batys Qazaqstan oblysynyń soltústiginde tuman kútiledi, oblystyń ońtústik-batysynda jel 15-20 m/s kúsheıedi. Atyraý oblysynyń soltústigi men ortalyǵynda, Mańǵystaý oblysynyń batysy men ortalyǵynda jel 15-20 m/s jyldamdyqpen soǵady.

Shyǵys Qazaqstan oblysynyń ońtústiginde, soltústik-shyǵysynda tuman kútiledi, kúndiz oblystyń ońtústik-batysynda jel 15-20 m/s kúsheıedi.

Aqmola oblysynyń batysynda, soltústiginde, Almaty oblysynyń soltústigi men taýly aýdandarynda, Qostanaı oblysynyń soltústigi men ońtústiginde, Soltústik Qazaqstan oblysynyń soltústiginde, batysynda, ońtústiginde, Qyzylorda oblysynyń ortalyǵynda, Jambyl oblysynyń soltústigi men taýly aýdandarynda, túnde Qaraǵandy oblysynyń batysy men ońtústiginde tuman túsedi.


Basty sózder: Qazgıdromet, Aýa raıy,
Joǵary qaraı