Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qar, jaýyn, kóktaıǵaq – beısenbige arnalǵan aýa raıy boljamy

2021 jyldyń 21 qazan 2021 00:11

NUR-SULTAN. QazAqparat – Qazgıdromet 21 qazanǵa arnalǵan aýa raıy boljamyn jarııalady, dep habarlaıdy QazAqparat.

Qazaqstannyń basym bóliginde aýa raıyn tsıklon jyrasy jáne onymen baılanysty atmosferalyq frontaldy bólikter anyqtaıtyn bolady, soǵan baılanysty jaýyn-shashyn (jańbyr, qar), jeldiń kúsheıýi, ońtústikte jáne ońtústik-shyǵysta kúndiz qatty jaýyn-shashyn (jańbyr, qar) kútiledi. Tek shyǵysta jáne soltústik-shyǵysynda antıtsıklon jotasynyń yqpalymen jaýyn-shashynsyz aýa raıy saqtalady. Elimizdiń batysynda jáne ońtústik-shyǵysynda, ortalyǵynda tuman, ońtústiginde shańdy daýyl, batysynda, soltústiginde kóktaıǵaq, jaıaý burqasyn kútiledi.

Aqmola oblysynyń soltústik-batysynda jel 15-20 m/s kúsheıedi. kúnniń ekinshi jartysynda kóktaıǵaq, jaıaý burqasyn bolady.

Jambyl oblysynyń taýly aýdandarynda tuman, batysynda, ońtústik-batysynda, soltsústik-shyǵysynda jáne oblystyń taýly aýdandarynda soqqan jeldiń jyldamdyǵy 25 m/s jetedi.

Túrkistan oblysynda túnde taýly aýdandarynda, kúndiz basym bóliginde jel 15-20 m/s, kúndiz taýly aýdandarynda ekpini 23 m/s kúsheıedi. Qyzylorda oblysynda tańerteń jáne kúndiz soltústiginde jáne ortalyǵynda jel 15-20 m/s shańdy daýylmen kúsheıedi.

Mańǵystaý oblysynyń túnde batysynda, soltústik-shyǵysynda tuman bolyp, jel 15-20 m/s kúsheıedi. Atyraý oblysynyń soltústiginde, shyǵysynda jeldiń 15-20 m/s kúsheıýi kútiledi. Batys Kazaqstan oblysynda túnde shyǵys oblysynda kóktaıǵaq, soltústiginde tuman kútiledi, kúndiz batysynda, soltústiginde jel 15-20 m/s kúsheıedi. Almaty oblysynyń Alakól aýdanynda jeldiń 15-20 m/s kúsheıýi kútiledi. Qostanaı oblysynyń batysynda, soltústik-shyǵysynda kóktaıǵaq, tuman kútiledi, batysynda, soltústik-batysynda jel 15-20 m/s jetedi.

Soltústik Qazaqstan oblysynyń soltústiginde, batysynda kóktaıǵaq, jaıaý burqasyn kútiledi, túnde batysynda, kúndiz basym bóliginde jel 15-20 m/s kúsheıedi. Qaraǵandy oblysynyń soltústiginde, batysynda tuman bolyp, kúndiz batysynda, ońtústiginde, ortalyǵynda jel 15-20 m/s kúsheıedi.

Shyǵys Qazaqstan oblysynyń batysynda jel 15-20 m/s kúsheıip, soltústiginde túnde tuman kútiledi.


Basty sózder: Qazgıdromet, Aýa raıy,
Joǵary qaraı