Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qar, tuman, kúshti jel - juma kúngi aýa raıy

2021 jyldyń 26 qarasha 2021 03:25

NUR-SULTAN. QazAqparat - 26 qarashada atmosferalyq aǵyndardyń áserinen elimizdiń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.

Elimizdiń basym bóliginde qar jaýady, ońtústik bóliginde qar aralas jańbyr jaýady, keı kezde qatty nóser jaýýy yqtımal. Tuman túsip, kóktaıǵaq bolady, boran soǵady, jel kúsheıýi múmkin.Tek respýblıkanyń batysynda kún raıy ashyq bolady.

Túrkistan oblysynyń taýly aýdandarynda jaıaý boran soǵady, kóktaıǵaq bolady, túnde oblystyń batysynda, taýly aýdandarynda jel 15-20 m/s kúsheıedi, asýlarda jeldiń jyldamdyǵy 25 m/s jetýi múmkin.

Jambyl oblysynyń soltústiginde, taýly jáne taý bókteri aýdandarynda tuman túsip, kóktaıǵaq bolýy múmkin, oblystyń ońtústik-batysynda, soltústik-shyǵysynda, taýly aımaqtarda jel 15-20 m/s jetedi, túnde ekpini 23-28 m/s kúsheıedi.

Shyǵys Qazaqstan oblysynyń shyǵys bóliginde, ortalyǵynda, ońtústiginde burqasyn soǵady, kóktaıǵaq bolýy yqtımal, jel 15-20 m/s, túnde ekpini 25 m/s jetedi.

Tańerteń jáne kúndiz Aqmola oblysynyń soltústiginde, batysynda jaıaý boransoǵýy múmkin, ońtústiginde – tuman túsedi, soltústiginde, shyǵysynda, jel 15-20 m/s kúsheıedi.

Qaraǵandy oblysynyń shyǵysynda túnde jaıaý burqasyn soǵady, kóktaıǵaq bolýy múmkin, jel 15-20 m/s kúsheıedi, oblystyń soltústiginde tuman túsýi múmkin.

Qostanaı oblysynyń soltústiginde jaıaý boran soǵady, kóktaıǵaq bolady, jel 15-20 m/s kúsheıip, oblystyń ońtústiginde tuman túsýi múmkin.

Aqtóbe oblysynyń soltústiginde túnde jaıaý boran soǵady, jel 15-20 m/s kúsheıýi múmkin.

Soltústik Qazaqstan oblysynyń ońtústik batysynda túnde jáne tańerteń tuman túsedi, kúndiz oblystyń ońtústiginde jel 15-20 m/s kúsheıýi múmkin.

Almaty oblysynyń soltústiginde jáne shyǵysynda jel 15-20 m/s kúsheıedi. Pavlodar oblysynyń ońtústik-shyǵysynda jaıaý boran soǵady, oblystyń soltústiginde – tuman túsýi yqtımal.

Qyzylorda oblysynyń ortalyǵynda, Batys Qazaqstan oblysynyń soltústiginde, Atyraý, Mańǵystaý oblystarynyń batysynda tuman túsýi múmkin.


Basty sózder: Qazgıdromet, Aýa raıy,
Joǵary qaraı