Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qar barysyn saqtaıyq: Elordada ekologııalyq aktsııa ótti

2021 jyldyń 22 qazan 2021 21:15

NUR-SULTAN. QazAqparat – Nur-Sultan qalasynda el kóleminde sırek kezdesetin jáne joıylyp bara jatqan qar barysyn qorǵaý problemasyna nazar aýdarýǵa arnalǵan «Qar barysyn saqtaıyq» atty aktsııa uıymdastyryldy, dep habarlaıdy QazAqparat tilshisi.

Atalǵan shara 23 qazan - halyqaralyq qar barysy kúni qarsańynda uıymdystyrylyp otyr.

«Sońǵy 100 jylda Qazaqstanda qar barysynyń mekendeý aımaǵy úsh esege qysqardy. Búginde atalǵan janýardyń mekendeıtin aýmaǵy 20 myń sharshy metrden sál ǵana asady. Osy oraıda Qazaqstandaǵy BUU Damý baǵdarlamasy qar barysyn saqtap, qorǵaý jáne ony zertteý úshin seriktester uıymdarmen ózara birlesip jumys istep jatyr. Búgingi kúni Jetisý-Alataý aýdanyndaǵy Sholaq, Degeres, Mataı taýlarynda sırek kezdesetin jyrtqyshtyń mekendeıtinin rastaý múmkindigi týdy. Atalǵan óńirlerde barysty alǵash ret fototuzaq túsirip aldy», - dedi BUU Damý baǵdarlamasy uıymynyń Qazaqstandaǵy turaqty ókili ıAkýp Berısh aktsııa barysynda.




Onyń aıtýynsha, búginde elimizde qar barysynyń popýlıatsııasyn qorǵaý jáne saqtap qalýǵa arnalǵan birneshe joba qolǵa alyndy.

«Joba sheńberinde qar barysyna qatysty dalalyq zertteýler, brakonerlikke qarsy kúres, erekshe qorǵalatyn tabıǵı aýmaqtar jelisin qurý kózdelip otyr. Sondaı-aq, adamdardyń ekologııalyq saýattylyǵyn arttyrýmen qatar, Qazaqstannyń tabıǵatty qorǵaý zańnamasyn jetildirý jónindegi is-sharalar júrgizilip jatyr», - deıdi ol.

«Qar barysyn saqtaıyq» aktsııasy «Barys Arena» muz saraıynda «Barys» pen «Lokomotıv» hokkeı klýby arasyndaǵy match kezinde uıymdastyrylyp otyr.

Oıyndy tamashalaýshylardyń nazaryna qar barysyna arnalǵan fotokórme usynylyp, kelýshiler arasynda utys oıyndar men balalarǵa arnalǵan akvagrım shoý ótti.

Aıta keteıik, atalǵan shara BUU Damý baǵdarlamasynyń uıytqy bolýymen ótip otyr.




























Avtor Álı Ibraev
Basty sózder: Ekologııa, Nur-Sultan,
Joǵary qaraı