Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qańtardan bastap «jasyl» mártebemen ǵana kirýge bolatyn nysandar sany artady

2021 jyldyń 28 jeltoqsan 2021 09:38

NUR-SULTAN. QazAqparat – 2022 jyldyń 5 qańtarynan bastap ASHYQ qosymshasymen «jasyl» mártebesi bar adamdardyń ǵana kirýine ruqsat beriletin nysandar tizimi keńeıedi. Bul týraly Úkimet otyrysynda QR Densaýlyq saqtaý mınıstriniń mindetin atqarýshy Jandos Búrkitbaev aıtty, dep habarlaıdy QazAqparat tilshisi.

«Saýda oıyn-saýyq ortalyqtaryna, saýda úılerine, sport ortalyqtary men fıtnes-ortalyqtarǵa, ıoga ortalyqtaryna, karaoke, basseın, saýnalarǵa, monshalarǵa, «Qazposhta» bólimshelerine, Halyqqa qyzmet kórsetý ortalyqtaryna ASHYQ qosymshasymen «jasyl» statýsy bar adamdardyń kirýine ruqsat berý jóninde qosymsha aldyn alý is-sharalaryn engizýdi usynamyz», - dedi ol.

Osy rette mınıstr mindetin atqarýshy atalǵan normany 2022 jyldyń 5 qańtarynan bastap engizýdi usynatynyn atap ótti.

«Halyqtyń vaktsına salýy, jappaı revaktsınatsııa jasaýdy arttyrý, sondaı-aq usynylatyn epıdemııaǵa qarsy is-sharalar - eldegi koronavırýsqa qatysty jaǵdaıdyń nasharlaýyna jol bermeıdi», - dedi Jandos Búrkitbaev.


Joǵary qaraı