Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qańtardaǵy qaıǵyly oqıǵalarǵa baılanysty mektepte oqý jyly sozylýy múmkin be

2022 jyldyń 17 qańtar 2022 15:01

NUR-SULTAN. QazAqparat – Eldegi tótenshe jaǵdaıǵa baılanysty mektepte ІІІ toqsan ádettegiden bir apta kesh bastaldy. Osy oraıda oqýshylar úshin bıylǵy oqý jyly sozylýy múmkin be? Atalǵan máselege qatysty QR Bilim jáne ǵylym mınıstrligi mektepke deıingi jáne orta bilim komıtetiniń tóraǵasy Gúlmıra Karımova oıyn ortaǵa saldy, dep habarlaıdy QazAqparat tilshisi.

«Mınıstrlik oqýshylar úshin úshinshi toqsandy 17 qańtardan bastaý týraly sheshim qabyldady. Odan ári oqý protsesi eldegi jáne ár óńirdegi epıdemıologııalyq jaǵdaıǵa baılanysty bolady. Ýaqyt kórsetedi. Ázirge oqý jylynyń sozylýyna qatysty naqty jaýap aıtýǵa erte. Eger oqý kúntizbesine qatysty ózgerister bolsa nemese qosymsha sheshim qabyldansa, mindetti túrde habarlaıtyn bolamyz», - dedi Gúlmıra Karımova OKQ-de onlaın ótken baspasóz máslıhatynda.

Onyń aıtýynsha, oqýshylardyń koronavırýs indetin juqtyrýǵa qatysty taldaý jumysy kúndelikti júrip jatyr.

Aıta keteıik, elimizdiń 3 qalasynda oqýshylar úshinshi toqsan boıy onlaın formatta oqıdy.

Sondaı-aq, ortalyq kommýnıkatsııalar qyzmetinde ótken brıfıngte eldegi jappaı ereýil kezinde qyzmet barysynda qaza tapqandardyń balalaryna memlekettik grant bólinetini aıtyldy.



Joǵary qaraı