Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qańtar tragedııasynyń resmı hronologııasy derekti fılmge arqaý boldy

2022 jyldyń 26 qańtar 2022 22:48

NUR-SULTAN. QazAqparat – «Habar» telearnasy qańtar oqıǵasyna qatysty Bas Prokýratýra men Іshki ister mınıstrligi taratqan resmı málimetterdiń jáne túrli vıdeolardyń basyn qurap, derekti fılm usyndy, dep habarlaıdy QazAqparat tilshisi.

«Tragıcheskıı ıanvar. Kak eto bylo» dep atalǵan derekti fılmde oqıǵanyń qalaı bastalyp, neshe kúnge sozylǵany, ereýilder kezinde alańǵa shyqqan halyqtyń sany qalaı ózgergeni, Almatydaǵy tártipsizdikterdiń qandy qyrǵynǵa aınalý sıpaty týraly resmı nusqadaǵy málimetter berilgen.

Sonymen, derekti fılmde mynadaı sandar aıtylady.

1 qańtar – Mańǵystaý oblysynyń Jańaózen qalasynda ondaǵan adam alańǵa shyǵyp, Memleket basshylyǵynan kúrt qymbattap ketken suıytylǵan gaz baǵasyn túsirýdi suraıdy.

2 qańtar – Kún boıynda sherýshilerdiń sany 600-ge jetedi.

Qańtardyń 2-sinen 3-ine qaraǵan túni Aqtaý qalasynda jańaózendikterge qoldaý bildirgen 70-ke jýyq adam ishki joldardy jaýyp tastaıdy.

3 qańtar – Narazylyq eldiń 7 óńirin (Atyraý, Aqtóbe, Almaty, Shyǵys Qazaqstan, Batys Qazaqstan oblystary, Almaty men Nur-Sultan qalalary) sharpyp, alańǵa shyqqandar sany 5500 adam bolady.

4 qańtar – Qazaqstannyń 11 óńirinde sherýde júrgen adam sany 37 myńǵa jetedi.

Almatynyń ózinde ǵana «Almaty Arena» sport kesheniniń mańaıyna 5 myńǵa jýyq adam jınalǵan.

5 qańtar – sońy tártipsizdikke ulasqan ereýilder aýmaǵynda júrgender sany 50 myńǵa jetti.

Almaty qalasyndaǵy túrli nysandarǵa shabýyldaýshylar sany 20 myńnan asqan.

6 qańtar – óńirlerdegi tártipsizdikter aýmaǵynda júrgender sany 11 myńǵa azaıǵan.

7 qańtar – beıbit narazylyq sherýge qatysýshylar sany 3000 boldy.

8 qańtar – sherýler tolyq toqtady.

Fılmniń qorytyndy bóliminde Bas prokýratýra ókilderiniń osy oqıǵalar boıynsha ótkizgen brıfıngterde aıtqan derekteri kórinis tapqan.

Elde Tótenshe jaǵdaı rejımi kúshinde bolǵan kezeńde 225 adam opat bolǵan.

Bas prokýratýranyń 25 qańtardaǵy málimeti boıynsha, jedel tergeý toptary 2044 qylmystyq is boıynsha tergeý júrgizip jatyr. Onyń ishinde 45 is terrorıstik akt boıynsha, is terrorıstik akt boıynsha, 36 is jappaı tártipsizdik boıynsha, 15 is kisi óltirý boıynsha qozǵalǵan.

Іshki ister mınıstrliginiń 24 qańtardaǵy deregi boıynsha, tártipsizdikter kezinde 1466 ǵımarat pen keshenderge shabýyl jasalǵan. Onyń ishinde 12 ákimdik ǵımaraty, 27 polıtsııa obektisi bar.

1395 bıznes nysany tonalǵan, zaqym kórgen.

700-den astam avtokólik zaqymdalǵan, qıratylǵan.

25 qańtarda óndiriste bolǵan qylmystyq ister boıynsha jalpy somasy 87 mlrd teńgeden astam shyǵyn kelgen.

Derekti fılmde tártipsizdik kezinde zardap shekti delingen áskerı qyzmetker Qýandyq Qusaıynovtyń shaǵyn suhbaty berilgen.

Saıasattanýshy Qazybek Maıgeldıevtiń pikirinshe, derekti fılmde shynaıylyq kórsetilgen.


Joǵary qaraı