Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qansha mekteptiń beınebaqylaý júıesi QR ІІM baqylaýyna ótti

2021 jyldyń 25 qazan 2021 16:01

NUR-SULTAN. QazAqparat – Jyl sońynda deıin elimiz boıynsha barlyq mekteptiń beınebaqylaý júıesi QR Іshki ister mınıstrliginiń Jedel basqarý ortalyǵyna tikeleı qadaǵalaýǵa beriledi. Bul týraly QR Іshki ister mınıstriniń orynbasary Sáken Sársenov málim etti, dep habarlaıdy QazAqparat tilshisi.

«Balalardyń amandyǵy men qaýipsizdigi árqaısymyzdy alańdatatyn másele. Ata-analar balalaryn mektepke, balabaqshaǵa nemese kolledjge jibergende olardyń qaýipsizdigine kóz jetkizýi kerek. Ol úshin tıisti qaýipsiz ortany qurý qajet. Reseıdiń Qazan men Permdegi sońǵy oqıǵalaryna bárimiz kýámiz. Teris nıettiler mektep pen ýnıversıtetke op-ońaı kirip, balalar men muǵalimderdi atyp tastaǵany, qaýipsizdik máselesin kúsheıtý kerektigin ańǵartady. Búginde elimizde oqys oqıǵalardyń aldyn alý úshin, bilim berý oshaqtary «dabyl túımelerimen» jáne beınebaqylaý kameralarymen qamtamasyz etilip jatyr», - dedi Sáken Sársenov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, elimizdegi mektepterde 137 myńnan astam beınebaqylaý kamerasy ornatylǵan.

«Biz bilim berý mekemelerinde ornatylǵan kameralardy Іshki ister mınıstrliginiń Jedel basqarý ortalyqtaryna (JBO) tikeleı qosamyz. Búgingi kúni elimiz boıynsha 2 026 mektepte ornatylǵan 36 657 beınebaqylaý kamerasyn JBO tikeleı baqylap otyr. Jalpy elimizde 7 372 mektep bar (qalalyq – 2159, aýyldyq – 5213), onda 137 myńnan astam beınekamera ornatylǵan. Jyl sońyna deıin barlyq mekteptegi beınebaqylaý júıesin JBO-ǵa tikeleı qosyp, qadalaǵalýyna berý josparlanyp otyr. Osy jumystyń qalaı júrip jatqanyn baqylaý maqsatynda ótken aptada Aqtóbe qalasyna arnaıy bardym. Osy ýaqytqa deıin elimizde 5 aımaqty tekserip qaıttym, qarasha aıynyń sońyna deıin barlyq óńirdi aralap shyǵamyn», - deıdi ol.


Joǵary qaraı