Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qandastardyń artyq tólem alýy úshin qoldan qujat jasaǵan azamat ustaldy

2021 jyldyń 6 jeltoqsan 2021 19:38

ALMATY OBLYSY. QazAqparat - Almaty oblysynyń turǵyny qandastarǵa artyq tólem alýǵa quqyq beretin qujattardy qoldan jasaǵan. Bul týraly QazAqparat Qarjylyq monıtorıng agenttiginiń baspasóz qyzmetine silteme jasap habarlaıdy.

Agenttiktiń Almaty oblysy boıynsha aýmaqtyq departamentiniń qyzmetkerleri jedel-izdestirý sharalaryn júrgizý barysynda 1971 jyly týǵan azamat Ishan Ulandy anyqtady.

Ol Qytaı Halyq Respýblıkasynan kelgen qandastarǵa joǵary áleýmettik jáne zeınetaqy tólemderin alýǵa quqyq beretin jalǵan eńbek kitapshalaryn daıyndaýmen jáne satýmen aınalysqan.

Tekserý barysynda QHR túrli uıymdarynyń mórtabandary men mórleriniń jalǵan baspa-tańbalary, notarıýstyń móri men qoly bar notarıattyq blankileri, kesýge arnalǵan stanok jáne onyń kómegimen jasalǵan jalǵan qujattar (eńbek kitapshalary, týý týraly kýálikter jáne neke qııý týraly kýálikter), basqa da zattar tabyldy jáne tárkilenip alyndy.

Ishan Ulan sottaldy.


Joǵary qaraı