Qanat Islamnyń jekpe-jegi taǵy da keıinge shegerildi

NUR-SULTAN. QazAqparat — Qazaqstandyq boksshy Qanat Islamnyń (27-0,21 KO) rıngke oralýy taǵy keıinge qaldyryldy, dep habarlaıdy QazAqparat Sports.kz saıtyna silteme jasap.

Buǵan deıin BoxRec.com portaly «Qazaqtyń» kelesi jekpe-jegi 20 aqpan kúni Maıamıde (AQSh, Florıda shtaty) ótýi belgilengeni jaıynda aqparat bergen. Alaıda belgisiz bir sebepterge baılanysty jekpe-jek keıinge shegerilgen.
Buǵan deıin qazaqstandyq boksshy ótken jyldyń 16 qazanynda, Amerıkanyń Plant-Sıtı qalasynda rıngke shyǵýy tıis edi, biraq bul kezdesý keıinge qaldyrylǵan bolatyn.

Qanat Islamnyń osy kúnge deıingi sońǵy jekpe jegi 2019 jyldyń 26 qazanynda Almaty qalasynda ótti. Onda ol tóreshilerdiń biraýyzdan qabyldaǵan sheshimimen Namıbııa boksshysy Ýolter Kaýtondokvany (18-2, 17 KO) jeńip, orta salmaqta WBO International tıtýlyn qorǵap qalǵan edi.