Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Kamaljan Nadyrov: Dál qazirgideı jaǵdaıda tumaýǵa qarsy vaktsınanyń mańyzy zor

2020 jyldyń 15 qyrkúıek 2020 13:16

ALMATY. QazAqparat – Almatyda jaqynda tumaý men juqtyrylǵan respıratorly vırýsty ınfektsııa (JRVI) aýrýlaryna qarsy vaktsınatsııa maýsymy bastaldy, dep habarlaıdy QazAqparat.

Qalalyq Qoǵamdyq densaýlyq saqtaý basqarmasynyń basshysy Kamaljan Nadyrovtyń sózinshe, tumaý taraıtyn ýaqyt kelip qaldy. Sonymen qatar qazir koronavırýs indetiniń de tarap jatqanyn eskersek, vaktsına qabyldaýdyń mańyzy zor.

«Bıyl biz tumaýǵa qarsy vaktsınaǵa qazir erekshe mańyz berip otyrmyz. Sebebi, pandemııa kezinde eki vırýstyq ınfektsııanyń qosarlasý qaýpi bar. Almatylyqtarǵa osy máselege basa nazar aýdaryp, qaýiptiń aldyn alýǵa keńes beremin. Ákimdik alǵan vaktsına burynnan tıimdiligin kórsetip keledi. Ol qaýipsiz», - dedi Kamaljan Nadyrov.

Aıta ketý kerek, bıyl jergilikti bıýdjet qarjysyna 3 valentti tumaýǵa qarsy vaktsına satylyp alyndy.

«Grıppol Plıýs» vaktsınasynyń 130 myń dozasy alyndy. Qazanda koronavırýs qaýpine baılanysty 300 myń doza jetkiziledi.

Bıyl Almatyda tumaýǵa qarsy vaktsınatsııa jyldaǵydan erte bastalyp, jeltoqsan aıynyń basyna deıin jalǵasady.


Joǵary qaraı