Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qalany birge kórkeıtemiz: Baqytjan Saǵyntaev Almatynyń bolashaǵy týraly aıtty

2021 jyldyń 19 qyrkúıek 2021 12:54

ALMATY. QazAqparat - Almaty ákimi megapolıstiń damýyna qosqan úlesi úshin qala turǵyndaryna alǵys aıtty, dep habarlaıdy QazAqparat tilshisi.

«Almaty týǵan kúnin toılap jatyr. Bul - ár adam úshin erekshe kún. Pandemııaǵa qaramastan qala damyp keledi», - dep atap ótti Baqytjan Saǵyntaev.

Bıyl 2,6 mln sharshy metrden astam turǵyn úı paıdalanýǵa beriledi. Myńdaǵan almatylyq baspanaly bolady.

Onyń ishinde 248 myńnan astam nemese 4 926 páter halyqtyń áleýmettik osal tobyna beriledi.

1 013 kópbalaly, tolyq emes jáne múgedek bala tárbıelep otyrǵan otbasylar páter kiltin alady.

Jumys isteıtin jastar úshin 1 050 jaldamaly páter qarastyrylǵan. «Almaty jastary» qalalyq baǵdarlamasy boıynsha – 1 000 jeńildetilgen nesıe kózdelgen.

Budan basqa jekelegen sanattar úshin «Shańyraq» baǵdarlamasy boıynsha bastapqy jarnany quıýǵa 1 mln teńgeden 2 myń turǵyn úı sertıfıkaty kózdelgen.

«Jyl sońyna deıin 16 myńǵa jýyq oqýshyny qamtıtyn 31 bilim berý nysanyn paıdalanýǵa beremiz. 61 mektep janyndaǵy sport alańdaryn jańartýdamyz. 10 jabyq sport kesheni salynýda», - dedi megapolıs ákimi.

Qalany kógaldandyrý baǵdarlamasy jalǵasyp jatyr. Osy jyldyń kókteminde 64 myń túp aǵash egiledi.

Qazan aıynan bastap taǵy 350 myń aǵash otyrǵyzylady. 22 saıabaq pen skver jóndelip, jalpy aýdany 284 ga bolatyn 8 jańa saıabaq aımaǵynyń qurylysy bastaldy.

«Biz birge Almatyny ádemi, jaıly ári ásem etip kórkeıtemiz. Búgin ortaq ıgilik úshin eńbek etken árbir janǵa alǵys aıtqym keledi! Barshańyzdy merekemen quttyqtaımyn», - dedi Baqytjan Saǵyntaev.


Joǵary qaraı