Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Izraıl Parsy shyǵanaǵyndaǵy eki eldiń vaktsınatsııa sertıfıkatyn moıyndady

2021 jyldyń 27 qazan 2021 03:30

NUR-SULTAN. QazAqparat - Covid-19 taralýyna jol bermeý jónindegi VAK baspasóz qyzmeti koronavırýs pandemııasyna qatysty túrli elderdegi ahýalǵa sholý jarııalady, dep habarlaıdy QazAqparat.

Birikken Arab Ámirlikteri men Bahreın Koroldiginde vaktsınatsııadan ótip, Óli teńizge saıahatqa barýǵa bolady. Izraıl Parsy shyǵanaǵyndaǵy eki eldiń vaktsınatsııa sertıfıkattaryn moıyndady. Densaýlyq saqtaý mınıstri Nıtsan Horovıts Izraıl, BAÁ jáne Bahreın arasynda «jasyl dáliz» týraly kelisimge qol qoıdy. Ámirlikterde halyqtyń 86,9%-y, Bahreınde-66%-y tolyq vaktsınatsııadan ótti. Bul elderde DDU sertıfıkattaǵan koronavırýstyq preparattar ǵana emes, sonymen birge reseılik «Spýtnık V» vaktsınasy da qoldanylady.

Ózbekstan Úkimeti Reseıge vaktsınatsııa sertıfıkattaryn ózara tanýdy usynýǵa daıyndalyp jatyr. Bılik óz usynysyn qarasha aıynyń ortasyna deıin jarııalaýǵa daıyn. Sonymen qatar bul qujat Reseı Federatsııasymen de, TMD jáne alys sheteldermen de vaktsınatsııa sertıfıkattaryn tanýdy qamtıdy. «Budan ári bul elderdiń, atap aıtqanda Reseı Federatsııasynyń sertıfıkattardy taný týraly osy usynysqa qalaı jaýap beretinine baılanysty», — dep atap ótti sanıtarlyq-epıdemıologııalyq salaýattylyq jáne qoǵamdyq densaýlyq qyzmetiniń basshysy Bahodyr ıÝsýpalıev.

Qytaıdyń soltústik-batysyndaǵy Lanchjoý qalasy COVID-19 bastalǵannan keıin karantınge alyndy. Azııalyq BAQ-tyń habarlaýynsha, tótenshe jaǵdaılardy qospaǵanda, 4 mıllıon qala turǵynyna úıden ketýge tyıym salynady. Shekteýler Qytaıda ınfektsııanyń 29 jańa jaǵdaıy anyqtalǵannan keıin engizildi, olardyń altaýy Lanchjoýda tirkeldi.

Latvııanyń Densaýlyq saqtaý mınıstrligi Úkimetke jumyldyrýdy jarııalaý týraly ótinish berýge nıetti. Jumyldyrý degenimiz memleketke tóngen qaterdiń aldyn alý nemese onyń zardaptaryn joıý maqsatynda áskerı nemese azamattyq qorǵanys sharalaryn josparlaý men daıyndaýdy bildiredi. Jumyldyrý týraly buıryq 2 qarashada jarııalanady dep kútilýde.

Ótken táýlikte Bolgarııada koronavırýsty juqtyrýdyń 5 863 jańa jaǵdaıy anyqtaldy. Bul pandemııa bastalǵannan beri bir kúndegi rekordtyq ósim. Sonymen qatar Ýkraınada koronavırýstan kúnine ólim jaǵdaılarynyń eń kóp sany tirkeldi - 734 derek.




Basty sózder: Koronavırýs, Álem,
Joǵary qaraı