Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Izraılde koronavırýs aýrýy 95,8%-ǵa tómendedi

2021 jyldyń 21 aqpan 2021 18:01

IERÝSALIM. QazAqparat – Izraılde júrgizilgen zertteý kórsetkendeı, Pfizer vaktsınasynyń eki dozasyn da alǵan el turǵyndary arasynda koronavırýsty juqtyrý qaýpi 95,8%-ǵa tómendegen, dep habarlaıdy QazAqparat Izraıldiń Densaýlyq saqtaý mınıstrligine silteme jasap.

Aqpan aıynda Izraıl Densaýlyq saqtaý mınıstrliginiń epıdemıologııalyq bólimi Pfizer vaktsınasynyń tıimdiligine taldaý jasady, onyń barysynda vaktsınanyń eki dozasyn alǵan adamdardaǵy jáne múlde ekpe saldyrmaǵan adamdardaǵy aýrýdyń damý qaýpin salystyryldy.

Jarııalanǵan esepke sáıkes, vaktsınanyń qyzbaǵa jáne tynys alýdyń kez kelgen problemalaryna qarsy tıimdiligi 98%-dy qurady. Sondaı-aq, vaktsına aýrýhanaǵa jatqyzý qaýpin 98,9%-ǵa jáne ólim jaǵdaıyn 98,2%-ǵa tómendetedi. Tutastaı alǵanda, koronavırýs týdyratyn aýrýdyń aýyr aǵymyn boldyrmaýda onyń tıimdiligi 99,2% dep baǵalandy.

Statıstıka 13 aqpanǵa deıin jınalǵan málimetterge negizdeldi, bul rette ızraıldikter vaktsınanyń ekinshi dozasyn 13 aqpanǵa deıin keminde eki apta buryn alǵan. Densaýlyq saqtaý mınıstrliginiń habarlaýynsha, zertteýge qosylǵan 1,7 mıllıonǵa jýyq adam vaktsınanyń eki dozasyn 30 qańtarǵa deıin qabyldaǵan.

Buǵan deıin eldiń Densaýlyq saqtaý mınıstrliginiń bas dırektory Shezı Levı Izraıldiń maqsaty 2021 jyldyń 1-toqsanynyń sońyna deıin halyqtyń 60% -ǵa jýyǵyn vaktsınatsııalaý degen bolatyn.

Sońǵy málimetterge sáıkes, 8,9 mıllıon ızraıldiktiń 4,2 mıllıony vaktsınanyń alǵashqy dozasyn qabyldady, al eldiń 2,8 mıllıon azamaty eki dozany da aldy.

Izraıl premer-mınıstri Bınıamın Netanıahý senbide 50-den asqan azamattardyń 95% -y aldaǵy eki apta ishinde vaktsınatsııadan ótedi dep málimdedi.

Avtor: Arsen Ýteshev


Joǵary qaraı