Aýa raıy
Astana -6 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

IX Azamattyq forým jumysyn bastady

2020 jyldyń 23 qarasha 2020 10:05

NUR-SULTAN. QazAqparat - Búgin IX Azamattyq forým jumysyn bastady, dep habarlaıdy QazAqparat tilshisi.

«Qoǵam jáne memleket: #Birgemiz áriptestik pen damýdyń 30 jyly» degen taqyryppen 5 kúnge sozylatyn forýmnyń birinshi kúninde 7:00-de aımaqtyq forýmdarǵa sholý kórsetilimi boldy. Odan keıin ÚEU ókilderiniń qatysýymen «Resýrstyq ortalyqtar - azamattyq bastamalardy tartý ortalyqtary» taqyrybynda podkast ótti.

«Sybaılas jemqorlyqqa qarsy azamattyq qoǵam» saraptama alańynda forým qatysýshylary paraqorlyqpen kúresýdiń tıimdi ádisin jáne qoǵamda osy áleýmettik zulymdyqqa tózbeýshilikti qalyptastyrý tásilderin talqylady. Sondaı-aq «Qoǵamdyq keńesterdiń tıimdiligin arttyrý tájirıbesi men praktıkasy», «Pikir kóshbasshylarynyń aýdıtorııa aldyndaǵy azamattyq jaýapkershiligi» taqyryptarynda pikirtalas ótedi.

LIVE rejıminde «Azamattyq qoǵam. Máseleler men aldyńǵy kórinis» atty saraptama alańy jumys isteıdi. Munda QR Aqparat jáne qoǵamdyq damý mınıstri Aıda Balaeva men Qazaqstannyń Azamattyq alıansynyń prezıdenti Baný Nurǵazıevanyń kezdesý-talqylaýy ótedi. Bul - qyzyqty spıkerlermen áńgimelesýdiń jáne olarǵa tikeleı suraqtar qoıýdyń biregeı múmkindigi.

Sonymen qatar, Azamattyq forýmnyń birinshi kúni mınıstrlerdiń úkimettik emes sektor ókilderimen kezdesýleri ótedi. ÚEU kezdesýlerdi QR Densaýlyq saqtaý mınıstri Alekseı Tsoı, QR Qarjy birinshi vıtse-mınıstri Berik Sholpanqulov, QR Іshki ister mınıstriniń orynbasary Arystanǵanı Zapparov ótkizedi.

Azamattyq forýmǵa qatysýshylar onlaın rejıminde barlyq spıkerlerge suraq qoıyp, qorytyndy shyǵaryp, aldaǵy jumys josparlaryn talqylaı alady. Birinshi kúnniń sońynda «ÚEU jáne bıznes, ekijaqqa tıimdi áriptestikti qalaı ornatýǵa bolady» atty eki saǵattyq trenıng bolady.

Ár túrli formattaǵy alańdar: trenın, pikirtalas, beıne podkast, zým-kezdesýler Facebook , Youtube , Instagram jelicinde onlaın rejımde kórsetiledi.

Forým baǵdarlamasy jáne qatysýshylardy tirkeý forým saıtynda qoljetimdi.

Esterińizge sala keteıik, alǵashqy Azamattyq forým 2003 jyldyń 14 qazanynda ótti. Osy ýaqyttan bastap elimizdiń úshinshi sektoryn damytýǵa úlken kóńil bólinýde. Qazir Qazaqstanda 22 000-nan astam úkimettik emes uıym tirkelgen.


Joǵary qaraı