Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Italııa baıqaýshylary Qazaqstandaǵy saılaý naýqanyna joǵary baǵa berdi

2021 jyldyń 10 qańtar 2021 16:14

NUR-SULTAN. QazAqparat - Italııadan kelgen halyqaralyq baqylaýshylar - Italııa depýtattar palatasynyń depýtaty, «Bes juldyz» qozǵalysynyń múshesi Rýsso Djıovanı men Italııa depýtattar palatasynyń depýtaty Andrea Delmastro Delle Vedove Qazaqstandaǵy saılaý naýqanyna joǵary baǵa berdi, dep habarlaıdy QazAqparat tilshisi.

«Biz Qazaqstanǵa birinshi ret kelip otyrmyz. Búgingi saılaýdyń daıyndyǵy men uıymdastyrý deńgeıi tańqaldyrdy. Saılaý protsesiniń pandemııa jaǵdaıynda durys uıymdastyrylǵanyn atap ótý kerek. Jalpy, mundaı pandemııa kezinde saıası is-shara, onyń ishinde saılaý ótkizý ońaı emes. Qazaqstandaǵy uıymdastyrýshylar bul isti tııanaqty oryndap otyr», - dedi Rýsso Djıovanı.





Italııalyq baıqaýshylardyń málimdeýinshe, saılaý ýchaskelerinde tártip jáne zań buzý faktileri baıqalmady.

«Italııalyqtar Qazaqstan halqy sııaqty ashyq. Biz mynany atap ótkimiz keledi - Qazaqstan demokratııalyq damýdyń óte joǵary deńgeıin kórsetti jáne bizdi tańqaldyrdy. Ony saılaýdaǵy belsendilikten baıqap otyrmyz. Saılaý ýchaskelerine barǵannan keıin biz eshqandaı ereje buzý áreketterin baıqamadyq. Biz «Astana Opera» teatryna bardyq. Pandemııa jaǵdaıynda uıymdastyrý deńgeıiniń joǵary ekenin kórdik. Bári de maska taqqan jáne araqashyqtyq ta saqtaldy», - dedi Andrea Delmastro Delle Vedove.








Joǵary qaraı