Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іshki ister organynda qyzmet etemin degen bala armanym oryndaldy – Berik Ómirzaqov

2021 jyldyń 5 mamyr 2021 15:48

ALMATY. QazAqparat - Іshki ister organdaryndaǵy qyzmettiń qyzyǵy men shyjyǵyna shydap, aıanbaı eńbek etip jatqan jastar az emes. Sonyń biri - Almaty qalasy mamandandyrylǵan kúzet qyzmeti basqarmasynyń polıtsııa qyzmetkeri Berik Ómirzaqov. Ol - qarýlanǵan qaraqshylardy izin sýytpaı ustaǵan polıtseı, dep habarlaıdy QazAqparat tilshisi.

Berik Ómirzaqovtyń quqyq qorǵaý salasynda jumys istegenine 5 jyl. Osy ýaqyt aralyǵynda ol óziniń kásibı maman ekenin kórsete bildi.

«Men bul salaǵa 2016 jyly keldim. Bul - meniń bala kezdegi armanym bolatyn. Osy mamandyq ıesi bolý úshin biraz ter tóktim. Sportpen shuǵyldandym, kóp oqydym. Mektepte júrgende ishki ister organy qyzmetkerleri týraly fılm kórgendi jaqsy kóretinmin. Bul mamandyq adamdy adal, jaýapty, janashyr, patrıot bolýǵa tárbıeleıdi»,- deıdi ol.

Berik Ómirzaqov búgingi kúni Almatydaǵy strategııalyq nysandardyń biri- jylý elektr stansasynyń kúzetinde jumys isteıdi.

«Men mańyzdy nysandy kúzetemin. Maǵan artylǵan jaýapkershilik zor. Sonydyqtan ózime senip tapsyrylǵan mekemeni qorǵaý basty mindetim dep sanaımyn»,- deıdi aǵa serjant.

Berik Ómirzaqov bıylǵy 24 aqpanda qaraqshylyq jasaǵan qylmyskerdi izin sýytpaı ustap, polıtsııaǵa tapsyrdy.

Naýryzbaı aýdanynda kúndiz qylmyskerler úıge zańsyz kirip, sol jerden birneshe qundy zatty urlap, qashyp ketpek bolǵan.

«Osy kezde men jumystan kele jatqan edim. Bir kezde jábirlenýshiniń úıinen shyǵyp bara jatqan kúdiktilerdi baıqap qaldym. Birden jeke úıdiń ashyq turǵan esiginen kirdim. Bir áıel kómek surady. Ol ózderin tonap ketkenin aıtty. Oılanbastan kúdiktilerdiń izine tústim. Birneshe mınýt ishinde qaraqshylar ketip bara jatqan kóliktin jolyn bógep, qasha jónelgen qylmyskerlerdiń birin ustap úlgerdim. Keıin belgili bolǵandaı, K. esimdi azamat buryn-sońdy osyndaı qylmysy úshin sotty bolǵan. Kúdiktiler jatyn bólmedegi seıfti ashyp, sol jerden 9 mm kalıbrli gaz tapanshasyn urlap ketken eken»,- deıdi ol.

Berik Ómirzaqov óziniń bul árketin erlik dep sanamaıdy.

«Iá, men qylmyskerlerdi ustaýǵa kómektestim. Biraq ony erlik dep sanamaımyn. Bul - meniń azamattyq boryshym jáne mindetim»,-deıdi Berik Ómirzaqov.


Avtor Alma Muqanova
Basty sózder: Qylmyspen kúres, Zań, Almaty,
Joǵary qaraı