Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іshki ister organdarynda qyzmet etkisi keletinderge qandaı talap qoıylatyndyǵy aıtyldy - SQO

2021 jyldyń 29 shilde 2021 10:24

PETROPAVL. QazAqparat – Soltústik Qazaqstan oblysynda polıtsııa departamenti ókilderi áleýmettik jeliniń tikeleı efırin paıdalanyp, vedomstvodaǵy bos oryndar jaıly jáne úmitkerlerge qandaı talaptar qoıylatyndyǵyn aıtty, dep habarlaıdy QazAqparat tilshisi.

SQO polıtsııa deparamenti baspasóz qyzmetiniń málimetinshe, oblystyq jáne qalalyq kadr bólinisteriniń ókilderi jarty saǵattan asa jeli qoldanýshylaryna ishki ister organdaryna qyzmetke qabyldaý jáne ótkerý tártibi boıynsha aqyl-keńes berdi.

Kadr saıasaty basqarmasy bastyǵynyń orynbasary Rýslan Tasımovtyń aıtýynsha, qazir oblystyq polıtsııa departamentinde 2 myńnan asa polıtseı qyzmet etedi. Búgingi tańda jedel ýákilderdiń, tergeýshiler, anyqtaýshylar men ýchaskelik polıtsııa ınspektorlarynyń bos laýazymdaryna bilikti mamandar qajet. Sondaı-aq qatardaǵy quramǵa da qyzmetkerler kerek.

«ІІO qyzmetke úmitkerlerge qoıylatyn talaptar: jasy 35-ke deıin, qyzdar úshin boıy 160 sm-den, jigitter úshin boıy 170 sm kem emes bolýy qajet (saptyq bólinisterge úmitkerler úshin boıy 175 sm joǵary bolýy tıis). Qatardaǵy quram laýazymyna orta bilim, al joǵary bilim – qyzmet baǵytyna baılanysty basshy laýazymyna talap etiledi. Sondaı aq memlekettik qyzmet isteri jónindegi agenttiktiń ýákiletti organymen berilgen testileýden ótýi týraly sertıfıkat, densaýlyǵy boıynsha jaramdy (áskerı-dárigerlik komıssııa aıqyndaıdy) bolýy qajet», - dedi Rýslan Tasımov.

Іshki ister organdaryndaǵy qyzmettiń artyqshylyqtary týraly qalalyq Polıtsııa basqarmasy bastyǵynyń orynbasary Saǵyndyq Temıreev aıtyp berdi.

Jeli qoldanýshylary bastapqy oqýdan ótý jáne polıtsııa qyzmetkerleriniń biliktilikterin arttyrý jumys berýshi esebinen júzege asyrylatyny habardar boldy. Tártip saqshylary turaqty eńbekaqymen, nysandy kıim-keshekpen, saýyqtyrý járdemaqysymen qamtamasyz etiledi.

Qyzmetkerler qyzmet boıynsha ósip, vedomstvolyq emdeý mekemelerinde medıtsınalyq kómekke júgine alady. Sondaı-aq turǵyn úıdi jalǵa alatyn bolsa, ótemaqy tólenedi. Alaıda, polıtseılerge qoıylatyn talaptar da joǵary. Polıtseı zańnamany jetik bilýi tıis, shynyqqan, densaýlyǵy myqty bolýy qajet.

Spıkerlerdiń aıtýynsha, streske tózimdi bolý, ózin-ózi únemi jetildirý - barlyq úmitkerler men polıtsııa qatarynda qyzmet atqaryp júrgen polıtseıler úshin asa mańyzdy qasıet.

Búgingi tańda, jedel bólinister men ýchaskelik ınspektorlar qyzmetinde bos laýazymdar kóp. Eń azy – jedel emes qyzmetter men shtab bólinisterinde.


Joǵary qaraı