Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Іshki ister mınıstrligi sheteldikterdiń JSN alýyna shekteý engizgen joq

2022 jyldyń 27 mamyr 2022 11:26

NUR-SULTAN. QazAqparat – QR Іshki ister mınıstrligi elimizge ýaqytsha kelgen sheteldikterdiń jeke sáıkestendirý nómirin alýyna shekteý engizgen joq, dep habarlaıdy QazAqparat tilshisi.

Aıta keterligi, eGov saıtynda sheteldikter úshin JSN-di onlaın rejımde alý qyzmeti qoljetimsiz bolyp tur. Osyǵan oraı mán-jaıdy anyqtaý úshin elimizdiń Іshki ister mınıstrliginiń baspasóz qyzmetine júgingen edik. Baspasóz qyzmeti vedomstvo tarapynan sheteldikterdiń atalǵan qyzmetti alýyna eshqandaı shekteý engizilmegendigin atap ótti.

«Іshki ister mınıstrligi shekteý qoıyp otyrǵan joq. Bul qyzmetti onlaın rejımde alý eGov saıtyndaǵy tehnıkalyq sebepterge baılanysty toqtap tur. Sheteldikter JSN qajet bolǵan jaǵdaıda Halyqqa qyzmet kórsetý ortalyqtaryna baryp, sol jerden offlaın rejımde rásimdeı alady», - dep atap ótti mınıstrlikten.

Vedomstvonyń deregine sáıkes, jyl basynan beri 90 100 sheteldik JSN rásimdedi. Olardyń ishinde Qazaqstannan JSN alǵan 35 960 Reseı azamaty jáne 637 Ýkraına azamaty bar.

«Azamattarǵa arnalǵan úkimet» memlekettik korporatsııasy» AAQ baspasóz qyzmeti de Qazaqstanǵa ýaqytsha kelgen sheteldik azamattar jeke sáıkestendirý nómirin offlaın rejımde rásimdeı alatyndyǵyn atap ótken bolatyn.


Joǵary qaraı